حالة من ضعف و قلة ايمان ما رح اكتب اكتر من هيك
لانه اللي بدوا في راسي بودي على اسفل سافلين في جهنم
Subscribe to:
Post Comments (Atom)
-
والله و اجاني الحلوان للامارات ^_^ هاد حلوان أخونا و صديقنا العزيز شفيق و الملقب ب SFO ^_^ يا ريتوا ألف ألف مبروووووك يا شفيق الخطبة و الماج... -
Click on the picture and you read them I carefully pick the words Actually I am really fan with magnetics ^_^ -
ا حذر من كسرة النفس فالله سيسألُك يوماً عن عينٍ أبكيتها، وعن قلبٍ أوجعته ، و روح كنت سبباً في فقدِها لأمانها وإطمئنانه...
اعوذ بالله من القرد
ReplyDeleteمالك؟؟؟
وحدي الله وقومي غيري اللي بتعملي فيه
شو ما كان
الحمد لله على كل شيء
ReplyDeleteكل هاظ لإنك ما بتشربي شاي
لما تكوني بهيك حالة ما إلك غير الشاي
الشاب بنقلك من عالم الواقع لعالم الواقع الخيالي
يعني بتصيري بدنيا غير هالدنيا
بتنسي كل همومك
نفسيتك بتتحسن
بتقبلي عالحياة
بتجدد نشاطك
بتنتعش ذاكرتك
يعني لو أظل أحكيلك من هون لبكرا الصبح
عن فائد الشاي ما راح أخلص
المهم
جد
ربنا يريح بالك
ويفرج عنك
ويسعدك
السلام عليكم ...
ReplyDeleteانا دخلت هون بالصدفة ... عجبني اسم فضفوضة شيطانية
و لكن شكلهم رح يتهموكي بالزندقة و الالحاد... زي ما اتهموني و يتهموني لحد الان اني كل هاي الصفات فيي انا
ستي ، اطرحي موضوعك للنقاش ، لأنه كل شي قابل للنقاش
Lunar
ReplyDeleteلا إله إلا الله ... و نعم بالله
لو تعرف شو كنت اعمل و انا بفكر بهالافكار
كنت اصلي والله يا لونار
يعني حتى بصلاتي الشيطان مش عاتقني
اكيد ما انقبلت صلاتي
شكله جد الله ما بدوا يهديني
و شكله مكتوب على الشقاء مش بس في الدنيا كمان بالاخره
sfo
ReplyDeleteضحكتني ... و ذكرتني امبارح رحت عند بيت اخوي عشان اطلع شوي من مودي ... فمرته حكيتلي نفس الشي الشاي بهدي الاعصاب :D
فشرب شاي اخضر ... يعني هذا ممكن شوي ينهضم معي
شكرا على مشاعرك معي سفو
العبيط
ReplyDeleteاهلاً و سهلاً فيك في بلوجي
الحمد لله ما صلت معي لمرحلة الالحاد و ان شاء الله ما توصل
الموضوع كله بتعلق بالقضاء و القدر و الرحمه و العقاب
و اظن اذابلشت احكي بالموضوع رح اخسر هالاكمن نزعت دين اللي باقيه في نفسي
في بالي احط هالموضيع بس شوي تهدى نفسيتي و اعصابي عشان احكي عنها بموضوعيه و عقلانيه و ما اخرج عن نطاق الدين
الله يعين
شكرا على مرورك الكريم اخي
sis asadeh
ReplyDeleteالا بذكر الله تطمئن القلوب
معليش سنحك .. ما تعذبي حالك الدنيا كلها مو مستاهلة
نصيحتي تنسي الماضي و تبدي حياة جديدة و نفسية جديدة .. خلي ايمانك بالله كبير و الك الاجر عصبرك ان شاء الله
الدنيا كلها رايحة و الواحد يعمل لاخرته
Daer Anonymous
ReplyDeleteاجيت على الوجع و على صلب الموضوع
خلى ايمانك بالله كبير و اصبري
طيب هاي ايماني بالله كبير و صبرت
اول ابتلاء و صابره و التاني و صابره و العاشر والعشرين
السنه الاول التانيه الخامسه و السابعه وانا صابره
طب لامتى
الكل بحكيلي الله بمتحن صبرك ... طب لامتى
بشوفني صابره اوكي لسه فيها حيل تستحمل
نبليها بشي تاني
هاي تأقلم على المصيبه نزيد عليها نشوف لسه ايمانها بالله كبير او بتزحزح
يعني ما رح تنتهى هالابتلائات غير يا اما بالموت او العياذ بالله الخروج عن الدين
طيب وين الله الرحيم
اللي قال عز وجل "لا يكلف الله نفسا إلا وسعها."
شو مفهوم وسعها ... لحد ما الانسان ينجلط او يستغني عن الاخره
بصراحة انا ما عم اشعر غير في الله الجبار
استغفر الله العظيم
يعني شو قاللك الشيطان؟؟
ReplyDelete"
ليش بتصلي وانت وضعك هيك؟؟
على ايش بتشكري ربنا مع كل هالتطبيل
اللي انتي فيه ؟؟
"
يا أختي يا عزيزتي
الشيطان ضعيييييييييييييييف كثير
والدليل انه ما بيدخل للبني ادم الا من نقاط ضعفه
حتى لو كانت الدنيا كلها بين ايديكي
راح يجيكي و يلاقي النقص اللي عندك ويوسوسلك منه
انتي مشكلتك - ومشكلة ناس كثير - انك بتظلك تفكري وتفكري وتفكري
بينما مرات الامور بتوصل مرحلة امه ما بيظل بايدك اشي تعمليه وانك تتركيها على ربنا
واللي زاد التطبيل عندك , قعدتك عن الشغل
استهدي بالله , الشيطان ما راح ينفعك
بالزبط انا الامور طلعت من ايدي
ReplyDeleteصرت مجرد انسانه عاجزه عن عمل اي شي او اخد اي قرار في حياتي
لانه كل ما افكر بعمل اي شي يحسن من حياتي و نفسيتي بيجي القدر يعاكسني
كأنه في ثأر بيني و بينه
ما في شي قادره اعمله غير التفكير في الحاله اللي وصلتلها
بتحكيلي ليش بتفكري
بحكيلك مش الله عز و جل قال
"افلا يتفكرون"
"أفلا يتدبرون"
"فاعتبروا يا أولي الألباب"
مش الله خلقلنا العقل لحتى نفكر فيه و نستخدمه في العمل الصالح
بس الي عم بصير انه انه عم بنفكر فيه بس لما نجي نعمل فيه بنلاقي القدر في وجهنا
بتلاقي القدر بقدّر و بيفرض عليك شي العقل مش ممكن يتقبلوا
لحت ما توصل لمرحلة اصلا لشو وجدت الحياة كلها مادام هي مجرد حياه فانيه
شو الهدف منها
حتحكيلي لعبادة الله
طيب هاي الملائكة بعبود الله و لا يفعلوا الا ما يأمرون
طيب كان خلقنا زيهم
يا ربي ........ استغفر الله العظيم
يعني التخبيص اللي بتخبصيه هو الحل؟؟
ReplyDeleteانا ما كان قصدي انك تشلي التفكير تبعك من مرة
انا كنت بقصد التفكير السلبي
انه بنظل نسأل حالنا , ليش وليش وليش وليش
يعني عدم المؤاخذة , طالع بايدك اشي تساويه وما ساويتيه ؟؟؟؟
بالنسبة لباقي كلامك , ما راح ارد لأني مش مؤهل ارد
"ثأر بيني وبينه والخ ....."
الله يهدي بالك
إذا ابتسمحولي أشارك معاكو بتعريفة (إن شاء الله بعدكو بتتذكروا شو هيي التعريفة) نقاش في هذا الموضوع:
ReplyDeleteالعلم و كل الإنجازات البشرية بتبدأ من شغلتين أساسيتين: الحلم و السؤال، اللي ما بيحلم و اللي ما بيكون خياله واسع ما بيقدر يمشي في طريق العلم و اكتشاف المجهول! و إذا ما كان في سؤال محدد (أو عدة أسئلة محددة) ليس له إجابة معروفة فما راح يكون في علم، بعض الأسئلة الغيبية مش من السهل على الإنسان أن يعرف الإجابة عليها، يجب أن لا ننسى أن عقل الإنسان محدود الإمكانيات، و بيستفيد من تراكمات العلم، فمثلاً أنا مقتنع أن نيوتن كان أذكي من آينشتين بعدة مرات، حيث أنه اكتشف الكثير من حقائق الفيزياء و لكنه لم يتوصل لاكتشاف نظرية النسبية، في حين أن آينشتين لم يكتشف سوي نظرية النسبية و السبب ببساطة أن كل التراكمات العلمية وفرت لآينشتين الأساس لاستنباط النسبية بعد عدة قرون من نيوتن!
ما أريد التركيز عليه هو قصور العقل البشري عن فهم كل شيء، و لهذا لم يكتشف كل شيء في فترة قصيرة، و لهذا ما زال العلم (أو بالأصح التراكمات العلمية) ينمو يوما بعد يوم، و ما زال العلماء يكتشفون كم هم جاهلون بأمور الحياة مما يحفزهم للمزيد من العمل و الاكتشاف.
إذا كان لديك سؤال أو عدة أسئلة عن أي شيء بما فيها الأمور الغيبية فهذا أمر طبيعي جداً، و ربما تجدين إجابة أو لا تجدين، و ليس من الخطأ أبداً أن تجتهدي في الحصول على الإجابة، و لكن يجب أن لا يشغلك هذا البحث عن أساسيات حياتك، فالحياة هي الأساس و حب المعرفة هو مكمل لهذه الحياة.
الكل منا تقريبا يمر في حياته بمرحلة او بمراحل يتساءل مثل هذا النوع من الأسئلة، و كما ذكرت آنفاً هذا شيء طبيعي (و لكن دون أن يكون همنا الشاغل هو هذه الأسئلة)، و أجزم أننا كمسلمين محظوظون لأن الله قد أرسل لنا كتاباً فيه الكثير من الإجابات و إن عجزنا عن فهم بعضها، و إن عجز جلّ علماء ديننا عن فهمها و إفهامنا، فيجب أن نتذكر دائما أن لقدرة عقولنا حداً لا نستطيع تجاوزه إلا باستخدام تراكمات العلم في الوقت المناسب، و دعيني أضرب مثلاً بسيطاً و أرجو أن تفكري به جيداً: هناك حقيقة بسيطة يعرفها كل انسان في هذا العالم بما فيهم أطفال المدارس و هي حقيقة "كروية الأرض"، هل يستطيع أي عاقل أن يشكك بهذه الحقيقة في الوقت الحاضر؟ إذا رجعنا إلى الوراء بضع مئات من السنين، كانت تلك الحقيقة مستعصية عن الفهم و الإدراك لعقول الناس في ذلك الوقت لدرجة أن كبارهم و عقلاءهم رموا بالكفر و الزندقة كل من كان يقول بكروية الأرض و أعدموه. أكرر أن العبرة في هذه الحادثة هي في قصور العقل الإنساني في تقبل الحقائق إلى أن تتوفر التراكمات العلمية الكافية لاستيعاب تلك الحقيقة
Lunar,
ReplyDeleteما هي حاله العجز اللي بمر فيها و اني مش طلع بايدي اعمل شي هي اللي بتخليني اسأل ليش و ليش
هذا الاحساس كتير صعب زي اللي مربوط بكرسي و وبتصرخ عليه قوم اتحرك قوم اعملك شي ينفعلك و ينفع البشريه
ما هو اما بترحمنى و بتفكني لاعرف اعمل اللي بدك او اقل ما فيها مش كل ما احاول افك شي من الحبل بترد تربطه و بتشد عليه اكتر و لسه بطالبني انه اقوم و اعمل شي منيح
طيب ما اخرتها هالقوه تروح و اكيد في شي في القلب رح يتزغزع
يعنى نبى الله موسي عليه السلام في قصته من سيدنا الخضر
ما قدر يصبر عن سؤال الخضر عن تصرفاته لانه ما عنده علم الغيب
قال تعال "و كيف تصبر على ما لم تحط به خبرا "
فكيف باحنا ناس عادين بدنا نصبر المصائب اللي مش عارفين سببها
الله بعين
اولا اهلا و سهلا صالح معنا بالنقاش اجيت على موضوع صعب و انا ذاتي ما بحب احكي فيه لانه مرات بحس تفكيري رح يوصلني للهلاك على ضلاله
ReplyDeleteالمشكله لما تصير الامور الغيبيه هي فقط المسيطره على حياة الانسان و بتمشيه في طريق ما بدياه و بتقطع عليه كل تفكير بشي واقعي
هاي الغيبيات اللي لازم نرضى فيها زي ما هي و لازم نؤمن انها خير و احنا حاسين انها مصيبه
يعني مطلوب منا ايمانا و تصديقا اعمى
بنوصل لمرحله لماذا خلق العقل ولم نعطى العلم و القدرة الكافيه لايجاد تفسير منطقي للشي اللي بصير بالحياه
بالعكس في كثير من الاحيان التفسير اللي ممكن يتوصله العقل البشري للامور الغيبيه يأتي مناقضا تماما للشئ المطالبين بتصديقه
انا معك انه العقل البشريه ضعيف عن فهم كل شيء و اسبابه
طيب ليش ننحط بهيك ظروف لنوصل لهالمرحلة من التفكير
اوكي الله عز و جل و رسوله الكريم نهوا انه نوصل بالتفكير بهاي الامور
بس ابتلاءات الحياه المستمره عم تجبرنا نوصل لهذا التفكير
يعني الله اعمل بقدره كل انسان على الصبر لانه خالقنا
طيب ليش عم تمتحنا بالصبر
استغفر الله العظيم
سنور اسدة
ReplyDeleteبفهم من كلامك انو عبادتك و ايمانك بربنا لاسباب دنيوية
غلط غلط
الدنيا ابتلاء من ربنا وحتى في ناس ربنا مبتليهم بالغنا بس بالاخرة رح يتحاسبو عكل عمالهم وين صرفو و غيره
ما بقلك صيري شيخة و اعتكفي و مش عارف شو ... بس عالاقل احتسبي الاجر للاخرة
هلا فرصة تبدي من جديد و تركزي عامتحانك و تدوري عفرصة تانية .. ركزي عهاي الامور و ارمي الباقي ورا ضهرك كل شي الو وقتو
و ربنا يوفقك و يفرجها عليك
أخي صالح
ReplyDeleteيسلم ثمك
وبارك الله فيك
كفيت ووفيت