(إِنَّ اللَّهَ عِنْدَهُ عِلْمُ السَّاعَةِ وَيُنَزِّلُ الْغَيْثَ وَيَعْلَمُ مَا فِي الأَرْحَامِ وَمَا تَدْرِي نَفْسٌ مَاذَا تَكْسِبُ غَدًا وَمَا تَدْرِي نَفْسٌ بِأَيِّ أَرْضٍ تَمُوتُ إِنَّ اللَّهَ عَلِيمٌ خَبِيرٌ) لقمان - 34
اليوم و انا عم اصارع نفسي الصبح عشان اصحى على صلاة الفجر, طبعا النفس الامارة بالسوء و الشيطان بلشوا بعمليات الوسوسه عشان يلزقوني بالتخت, انه انتِ تعبانه و مكتأبه من تركتك الشغل و من العزاء اللي عننا وانه الله ما رح يحاسبك و الله غفور رحيم
سو ضللي نايمه و ارتاحي
والله و بلشت عن جد اضعف ورجعت نمت شوي لحتى اقام الجامع اللي جنب لبيت الصلاة
ماشاء الله على شيخ الجامع شو صوته حلو كله خشوع
طبعا انا نص نايمه و مش سامعه منيح لحتى اجت هالايه و كأنه قرأها في داني و كأنه قرأها عشاني
اول شيء انه ما حدا بعرف شو رح يكسب لغدا ... عشان ما أيأس من موضوع الشغل
و تاني شي انه الموت حق ما بنعرف امتى و وين رح يجينا
انه ممكن هلأ ما اقوم اصلي و يجيني الموت و اموت و انا مضيعه صلاتي
فاستغذت الشيطان و قمت صليت
و حمدت الله على نعمة السكن بجانب جامع
No comments:
Post a Comment