و على سيرة الموت برضوا

و على سيرة الموت اللي ما إلي كم يوم كنت احكي فيها, امبارح بالليل توفت خالتي بعمان - الله يرحمها و يجعل مثواها الجنه - الغريب بهالدنيا انه الانسان اللي بنتوقع انه يموت و بنكون نستنا موته بين لحظة و التانيه الله بطول بعمره و اللي بصحته و عافيته بنلاقيه فجأه اختفى من بينا و احنا مش حاسين

عندي خالتي الكبيره -الله بشفيها و يطول بعمرها- كانت كتير تعبانه اخر اسبوعين, لدرجه انه ابنها الموجود في الامارات سافر على عمان على اساس يشوفها لانه اخوانه في عمان حكوا يا بتلحقها او لأ, فاليوم لما اجانا الخبر صاروا الناس يتصلوا يعزونا ويحكوا الحمدلله انه ابنها نزل و ودعها, طبعا الكل بنصدم بس يعرف انه لأ مش هاي اللي توفت اللي توفت خالتي اللي اصغر اللي بصحتها و قوتها , فجأه بالليل تعبت اخدوها على المستشفي كم ساعة و كان الله ماخد امانه

سبحان الله

" وما تدري نفس بأي ارض تموت "

ان لله و ان إليه راجعون

الله يرحمك يا خالتي و يجعل قبرك روضه من رياض الجنة و يعوضك عن هالدنيا بجنات الفردوس مع الانبياء و الصالحين جزاء لك بما صبرتي و تعبتي في هاي الدنيا الفانيه

و على سيرة الموت برضوا

مش كأنه هدا العزاء رقم سته خلال عشر شهور

طيب امتى الفرح رح يعرف طريقه إلنا

:sigh: