2012

باي باي 2012 و حأكسر وراكي محل جرار مش بس جرة :)

على الرغم  من انها كانت سنة مليانه فعليات و نشاطات و سفرات بس بنفس الوقت ما حبيتها و حسيتها ثقيل جداً على قلبي و مش مريحة 

سنة 2012 بدي اسميها سنة السفرات

• بشهر واحد سافرت اسبوع على الأردن-عمان: كالعادة سفرة عمان دايما بتنتهي بنهايات غير سعيدة :)
• بشهر ثلاث سافرنا عطلة الاسبوع على قطر : تعرفت على ناس جداد و كانت كتير تجربة حلوة.
• بشهر اربعة (اخر اربعة و اول خمسة) سافرنا على تركيا : سفرة من العمر :) طبيعة بتجنن و جو رائع و الاهم أكل زاكي و زكريات حلوة. :)
• بشهر تسعة سافرنا على الصين : تنذكر و ماتنعاد ×_× مش طبيعي شو كرهت هالبلد. بس الصراحة الشوبنج هناك رهيب D:
• بشهر عشرة اجازة عمان التانية : و لايزال مسلسل النهايات الغير سعيدة مستمر  D: مش عارفه ايمتى رح يتغير الوضع مع عمان :) هو الغلط مني الغلط من عمان و الله ما انا عارفه ×_×

على الصعيد المهني

• سكرنا مشروعين مش كتير كبار بس بنفس الوقت مشاريع مهمة و حساسه و عليها عدد كبير من المعاملات و الحمدلله بوقت ممكن اعتبره قياسي و بأضرار قليلة :) بس لازم طبعا مع المشاريع يكون في مصائب و كوارث :) بس الحمدلله عدت على خير :)
• ودعنا مدير و اجنا مدير جديد نقيض المدير السابق  بكل شي (للأحسن للأسوأ و الله بطل الواحد يعرف يميز هالايام) بس اللي بعرفه ان صار لازمنا نتأقلم من الوضع الجديد :)
• ضغط الشغل كان كتير هاي السنة و خصوصاً فترة تغيير المدير بشهر عشرة بس هلأ الوضع صار اخف و تنظم الشغل اكثر (مديرنا الجديد عنده مبدأ التملص من الاشغال ^_^ فبحرص على تحويل الشغل دايما للادارات الاخري فخف الشغل علينا لوووول ^_^ )

على الصعيد الصحي

• الحمدلله 2012 تابعت سلسة امراض الرشح و الانفلونزا اللي بلشتها سنة 2011 و زادت عليها لوصلنا لالتهابات الجيوب الحادة و لكن الحمدلله بعد 14 يوم من المضاد الحيوي تحسن الوضع و اظن ما ضل فيروس قادر على العيش في الجسم :) و الحمدلله بعدها تحسن الوضع كتير :)
• وقعت علي رجلي و اجاني شد عضلي اسبوع مو قادرة احرك رجلي من الوجع :( بس الحلو بالموضوع الاجازة المرضية :)

على صعيد الفسح و الفعاليات

• طلعت على برج خليفة اعلى برج بالعالم :) على الطابق 124 وااااااااو المنظر رهييييب :)
• رحت على عالم فيراااااااارررررررررررري ^_^
• شاركت في مسيرة عيد الاتحاد لوووول تحشيش الوضوع بس اتكسرت من المشي ساعتين ×_×
• رحت الفجيرة للمرة الاولي بحياتي و اكلنا بمطعم اقل ما يقال فيه زباله امنيح اللي ضلينا عايشيين بعديها ×_×
• رحت سوق نايف لوووووووول السوق الشعبي في دبي رهيب كله زقق و زنقات :)
• رحت القرية العالمية ثلاث مرات ×_× مش معقول شو هالهنا اللي انا فيه :)

الحمدلله سنة منيحة نوعا ما بس برضو دمها ثقيل :(

ان شاء الله سنة 2013 تكون سنة حلوة و خفيفة على الجميع و تكون سنة خير للجميع :)

سبحان الله بعد ما كتبت اللي فوق حسيت شو اني جاحده لنعمة الله كل هالنعم و بحكي عنها سنة دمها ثقيل :(

يارب لا تؤاخدنا بذنوبنا يارب و لا تؤاخذنا بجهلنا و تقصيرنا يارب العالمين 

اللهم ما اصبح بي او امسي بي من نعمة فمنك وحدك لا شريك لك فلك الحمد حمدا كثيرا حتى ترضي و لك الحمد اذا رضيت و لك الحمد بعد الرضي حمداً طيباُ مباركاُ فيه ملء السموات و الأرض و ملء ما بينهما.

هدية لإم عمر :)

Brownie Cake :)

امبارح كنت زهقانة ... فعملت هالكيكة و تذكرتك 

شو كانت زاكيه مع فانيلا ايس كريم

To - Eat List ×_×

• فلافل - Done
• شاورما 
• بليلة  - Done
• مكدوس  - Done
• لبنة بكل النكهات  - Done
• لقيمات  - Done
• خبز خمير
• خبز رقاق
• فطير مشلتت
• حلوه عمانية
• كستنا
• ذرة
• بطاطا مشوية
• سحلب
• شاي كرك
• كنافة

الناس بروحوا على القرية العالمية عشان تتسوق و انا بروح عشان أكل و بعدين ببكي ليش بنصح 

بس عن جد شكراً دبي على هالمكان الحلو و التنظيم الرائع للقرية العالمية، بمكان واحد بنتعرف على شعوب كتير من اشيائهم التراثية و اكلاتهم و رقصاتهم، بتكسر بس اروح هناك و بس ما بمل منها ابداً

What a Diet !!!

Instead of losing weight I'm gaining weight 

ذكريات متفرقة

برج خليفة الصبح و اشعة الشمس عم تنعكس عليه بعد يوم ماطر

واحد من فطورات الصين و مقارنة مع فطرونا العربي ... و لكم التعليق

طناش مود ... فارشه الارض و قاعدة

في الطريقة للفجيرة بين الجبال ... طبيعة و لا اجمل

من متحف الشيخ المعيقلي شاعر الشيخ زايد الله يرحمهم اجمعين

It is Raining :)

Some people feel the rain ^_^ 

.

.

.

Others just get wet !

- Bob Marley

اشتقتلهم كتير :(

يارب امتى رح ترجع ايامنا الجميلة سوا

Big Like

♥ نَستطيع أنْ نَتخاصم مَع مَن نُحب وَلكِن لانَستطيع أنْ نَراهُم يَتأذون ♥

يارب

طرقت باب الرجاء و الناس قد رقدوا .. و بت أشكو الى مولاي ما اجد

و قلت يا أمـــلي في كل نائــبة .. و من عليه لكشف الضر أعتمد

أشكو اليك أموراً انت تعرفها .. ما لي على حملها صبر ولا جلد

و قــد مددت يدي بالذل واقفة .. يا خير من مدَت اليه يد 
 فــلا تردنـــها يـــا رب خــائبة .. فبحــر جـودك يـروي كل من يـرد

الحشريين

يارب رد كيدهم على نحرهم يارب

و ابعدهم و اعمي ابصارهم 

و اغشهم فلا يبصرون

يارب يا كريم يا عزيز

سبحانك لا مغلق لما فتحت، ولا فاتح لما أغلقت

و في الحياةِ ,,مغاليق ,,لايفتحها

إلا هو - سُبحانه

Is it right ?

  “Don't allow your mind to tell your heart what to do...


 The mind gives up easily”

 ― Paulo Coelho

ومـا الإصْبَاحُ مِنـْكَ بِأَمْثَلِ

ولَيْلٍ كموجِ البحر أرخى سُدوُلَهُ * * * علـيَّ بأنـواع الهمـوم لِيَبْتَـلي

فقلتُ له لمـا تَمَـطّى بـجَوزِهِ * * * وَأردَفَ أعـجازاً ونـاءَ بِكَلْـكَلِ

ألا أيها الليلُ الطويـلُ ألا أنْجَلِ * * * بصبح ومـا الإصْبَاحُ مِنـْكَ بِأَمْثَلِ

امرئ القيس

نا نا نا و راحت على بعض ناس

كم هو جميل أن تجد

من

 تمد له يدك فيصافحك

 و تفتح له قلبك فينصت إليك

 يحاورك ... ينصحك ... يرشدك

 ولا شىء غير

 ان قلوبهم بالود و المحبة امتلأت

 شكراً على اليوم الجميل 

  نيسان - خلود - ويسبر

و راحت عليكي يا ام عمر :D

بكرة السفر بكرة

بكرة السفر بكرة 

ويروق البال بكرة

و يسعد القلب الولهان

وأفرح بقربك وأتهني 

بكرة السفر بكرة 

أن شاء الله رح انبسطت و رح تكون اجازة سعيدة 

و رح اطش و افرفش و آكل اكلات طيبة

حاسه زي كأنه حدا عامل هاك على مدونتي 

و انا عم احاول اتفائل و ابعد التشاؤم من بالي

بس من مبدأ

"تفائلوا بالخير تجدوه"

مش عارفه ليش دايما الايام الاخيرة قبل السفر بتمر بسرعة كبيرة ... بتذكر من اسبوعين حجزت للسفر و على اساس انه لسه  معي وقت طويل اسبوعييييييييييييين بحالهم، بس فجأه فتح عين غمض عين و هاي بكرة السفر و طبعا لسه مش مخلصه شي من  اغراضي و لا حضرت الشنطة و لا رتبت امور الشغل و لا امور البيت! و عندي كم مشوار و كم تلفون لازم اخلصهم قبل السفر! مش لو انه اليوم اللي قبل السفر يعملوا 48 ساعة بكون احسن و بعطي مجال للناس المعجوقة زي حالي تسافر و هي مرتاحة! :D

 الحمدلله على كل حال :D

الله اكبر, الله اكبر, الله اكبر, سبحان الذي سخر لنا هذا وما كنا له مقرنين , وانا الى ربنا لمنقلبون , اللهم انا نسالك في سفرنا هذا البر والتقوى , ومن العمل ما ترضى, اللهم هون علينا سفرنا هذا , واطوا عنا بعده ,اللهم انت الصاحب في السفر , والخليفه في الاهل ,اللهم اني اعوذ بك من وعثاء السفر , وكآبة المنظر ,وسوء المنقلب في المال والاهل

عصبية

إلي فترة صايرة كتير عصبية و عدائية بالشغل، بشكل فضيع و ملحوظ، اذا اي حدا بسألني سؤال بريء بخصوص الشغل باخد الموضوع و كأنه اتهام شخصي الى او لشعلي  و برد بطريقة هجومية و بعكس الاتهام عليه كأنه احنا بساحة حرب، و بس ينتهي الاجتماع او النقاش و افكر باللي صار بنصدم و بتضايق كتير من ردت فعلي الزائدة  و همجيتي اللي ما كان الها اي داعي !!! اه همجيتي!!! صايرة همجيه بتصرفاتي و بعيدة كل البعد عن الاتيكات في النقاش او الكلام. متضايقة كتير من حالي و نفسي ارجع زي ما كنت انا اللي اتحكم في مشاعري مش مشاعري هي اللي تتحكم فيني لانه اذا بضل هيك حأخسر حالي و شغلي و كل محبة الناس و احترامهم اللي كسبتها  بسنين و الاهم بخسر الاخره

كحل سريع اجازة اسبوعين على عمان ممكن تصلح الحال بطريقتين

• تكون اجازة حلوة و تهدي اعصابي و ترجعني بنفسية حلوة
• تكون اجازة نكده تخليني  اتأكد انه ما الي الا شغلي فأتمسكي فيه وأحسن حالي عشان ما أخسره بسبب عصبية طايشه

أدعية عن الرسول الكريم لتهدئة العصبية

اللهم كما حسنت خلقي فحسن خلقي

اللهم اهدني لأحسن الأخلاق لا يهدي لأحسنها إلا أنت، واصرف عني سيئها لا يصرف عني سيئها إلا أنت

اللَّهُمَّ إِنِّي أَعُوذُ بِكَ مِنَ الشِّقَاقِ، وَالنِّفَاقِ، وَسُوءِ الْأَخْلَاقِ

من أجمل ما قيل في الحبّ

الجو جميل و شاعري

و رمضان مبارك

رفيقي القديم

عُدنا و العود أحمد لرفيقي القديم التطريز

ان شاء الله ما تروح الهمة لحتى أخلص الشي اللي بلشت فيه 

حكمة

حكمة مؤلمة 

 الطبيب البيطري: إذا لم يتعافى الحصان في ثلاثة أيام ولا ينهض يجب قتله
الخروف سمع كل شيء ،ذهب الى الحصان مسرعا وقال له انهض انهض
لكن الحصان متعب جدا
....

...في اليوم الثاني قال له انهض بسرعة
لكن الحصان لايقدر أبدا .

.... 

في اليوم الثالث قال الخروف للحصان

إنهض وإلا سيقتلونك ، فنهض الحصان أخيرا
فقال الفلاح وهو سعيد جدا :لقد نهض الحصان !
يجب أن نحتفل

  إذبحوا الخروف

خليك بحالك أحسنلك

وجوه و ألوان و معادن

في أوقات الرخاء تغلف الوجوه ألوان من الزينة التي يضعها كل إنسان كيفما يشاء ، يدعون بها ماليس فيهم من كريم الخلال وجليل الصفات

فإذا جد الجد ، وحزم الأمر ، وكشرت الأيام عن أنيابها ، أذابت حرارة المصائب تلك الألوان التي زينت الوجوه لتسفر عن وجوه أخرى لا نعرفها

لذا قال لقمان الحكيم لأبنه و هو يعظه

يا بنى الناس معادن تصقلها الشدائد فأمسك بأسنانك على من يؤازرك فى شدتك ولا تحزن عمن فقدته ولم تجده فى محنتك.

قد كفاني - للإمام عبد الله الحداد رحمه الله

قد كفاني علم ربي من سؤالي واختياري .. فدعائي وابتهالي شاهد لي بافتقاري
ولهذا السر أدعو في يساري وعساري .. أنا عبد صار فخري ضمن فقري واضطراري


قد كفاني علم ربي من سؤالي واختياري


ياإلهي ومليكي أنت تعلم كيف حالي .. وبما قد حل قلبي من هموم واشتغال ِ
فتداركني بلطف منك يامولى الموالي .. ياكريم الوجه غثني قبل أن يفنى اصطباري


قد كفاني علم ربي من سؤالي واختياري

ياسريع الغوث غوثاً منك يدركنا سريعاً .. يهزم العسر ويأتي بالذي نرجو جميعاً
ياقريباً يامجيباً ياعليماً ياسميعاً .. قد تحققت بعجزي وخضوعي وانكساري


قد كفاني علم ربي من سؤالي واختياري


لم أزل بالباب واقف فارحمن ربي وقوفي .. وبوادي الفضل عاكف فأدم ربي عكوفي
ولحسن الظن ألازم فهو خلي وحليفي وأنيسي وجليسي .. طول ليلي ونهاري


قد كفاني علم ربي من سؤالي واختياري


حاجة في النفس يارب فاقضها ياخير قاضي .. وأرح سري وقلبي من لظاها والمضى بي
في سرور وحبور وإذا ماكنت راضي .. فالهنا والبسط حالي وشعاري ودثاري


قد كفاني علم ربي من سؤالي واختياري فدعائي وابتهالي شاهد لي بافتقاري
ولهذا السر أدعو في يساري وعساري .. أنا عبد صار فخري ضمن فقري واضطراري
قد كفاني علم ربي من سؤالي واختياري

ما اطول أيام الانتظار

أحاول ان أبعث في نفسي الامل الواهن

ولكنه سرعان ما يذبل
كشمعة حزينه تعيش لحظاتها الاخيره قبل ان يطويها الظلام

وأحاول ان أستعيد قوتي و ألملم ما بقي من حطام أملي

وأقرر ألا أنتظر

وأقول لنفسي كفاكي احلام

فينفجر في داخلي شلال من الألم و الأسى

لأجد نفسي مره اخرى أعيد الانتظار

أذكر أحلام الطفول و بدايات الأمل

كيف كانت بألوان الزهور زاهية

وكيف اصبحت النهاية كسهامٍ دامية

أجلس ... أفكر

اقول لنفسي شيء وافعل غيره

أعاهد نفسي و انقض عهدها

احاول الفرار فاجد نفسي

في دوامة الانتظار اللا نهاية لها

و ما اطولها من ايام انتظار

من هنا و هناك ... من مطبخي (2) :D

كأنه أنا صاحيه جوعانة اليوم :D

من الجوع صرت اقلب صور اكلات و لاقيت هدول ايام العز ايام ما كنت متحمسه على الطبيخ :) فقلت خليني احتفظ فيهم بمدونتى كدليل انه في يوم من الايام كنت اعرف اطبخ :D

أطباق رئيسية

كسكسي ليبي :D

حلويات

تراميسو فراولة

كيكة الجلي

مانجا تشيز كيك

Monkey Bread :D

يارب بكرة يصيرأحلى

طبعت على كدر وأنت تريدها            صفوا من الأقذاء والأكدار

ومكلف الأيام غير طباعها                متطلب في الماء جذوة نار 

كل يوم بحكي مصيرها تتحسن هالحياة و مصير الهم و الحزن يخلص بس شكله نهر لا ينضب و شكله زي ما حكوا السلف الصالح ما في راحة غير لما الانسان يفوت الجنة، و مين فينا ضامن الجنة؟! يعني احتمال عذاب في الدنيا و كمان في الاخرة -الله يجيرنا من عذاب الاخرة :( -

و بحكيلك المثل شوف همّ غيرك بهون عليك همّك و انا بحكي ما تشوف همّ غيرك لانه بصير عندك همّين :(

الحمدلله رب العالمين على كل شيء

 أصبحنا وأصبح الملك لله، والحمد لله، لا إله إلا الله وحده لا شريك له، له الملك وله الحمد وهو على كل شيء قدير، ربِّ أسألك خير ما في هذا اليوم وخير ما بعده وأعوذ بك من شر ما في هذا اليوم وشر ما بعدها ربِّ أعوذ بك من الكسل وسوء الكبر، ربَّ أعوذ بك من عذابٍ في النار وعذاب في القبر

اللهم

الْلَّهُم انَّا نَسْأَلُك فِي هَذَا الْيَوْم رَحْمَة مِن عِنْدِك تَهْدِى بِهَا قُلُوْبَنَا و تُزَكَّى بِهَا أَعْمَالَنَا و تُلْهِمُنَا بِهَا رُشْدَنَا و تُصْلِح بِهَا أَحْوَالَنَا و تَذْهَب بِهَا هُمُوْمَنَا

الْلَّهُم سَدِّد خُطَانَا فِي هَذَا الْيَوْم و أَلْهِمْنَا الْصَّوَاب و أُقَدِّر لَنَا الْخَيْر و يَسِّرْه لَنَا و بَارِك لَنَا فِيْه و رَضِّنَا بِه

الْلَّهُم اجْعَل عَمَلَنَا فِيْه عَمَلَنَا مُبَارَكَا و ارْزُقْنَا فِيْه الْخَيْر كُلُّه عَاجِلِه و اجِلِه

الْلَّهُم اجْعَل يَوْمِنَا هَذَا خَيْرَا مِن أَمْسِنَا و اجْعَل غَدِنَا خَيْرا مِن يَوْمِنَا

الْلَّهُم لَا مَانِع لِمَا أَعْطِيَة و لَا مُعْطِي لِمَا مَنَعَة بِيَدِك الْخَيْر و انْت عَلَى كُل شَيْء قَدِيْر

الْلَّهُم اجْعَل فِي يَوْمِنَا هَذَا الْصَّلاح و الْفَلَاح و الْنَّجَاح و آَتِنَا خَيَّرَه و نَصْرَه و فَتْحَه و نُوْرَه و بَرَكَتَه و هُدَاه و خَيْر مَا بَعْدَه و أَعِذْنَا شَرُّه و شَر مَا فِيْه و شَر مَا قَبْلَه و شَر مَا بَعْدَه

الْلَّهُم انَّا نَسْأَلُك فِي هَذَا الْيَوْم رَحْمَة مِن عِنْدِك تَهْدِى بِهَا قُلُوْبَنَا و تُزَكَّى بِهَا أَعْمَالَنَا و تُلْهِمُنَا بِهَا رُشْدَنَا و تُصْلِح بِهَا أَحْوَالَنَا و تَذْهَب بِهَا هُمُوْمَنَا

سأصبر

... كلمات اعجبتي و لا علم من قائلها 

سأصبر حتى يمل الصبر من صبري ***  وأصبر حتى ينظر الله في أمري

وسأصبر حتـى يعلم الصبر أننــــي ***  صبرت علـى شئ أمر من الصبر

اسبوع من العمر

اسبوع في روبوع اسطنبول  - تركيا

رح ابدأ الموضوع بصحن مشاوي مشكل على كيف كيفكم في اول ساعات وصونا لتركيا 

تفضلوا امانة ما تستحوا ^_^

اسطنبول من اجمل المدن اللي زرتها واللي بميزها كترة المساجد العريقة و هندستها الجميلة
وين ما تلف وجهك بتشوف مأذنة جامع والغريب ان كلها مأذن مدببة بتصميمها، مدينة بتحس فيها بالعراقة و بالقوة و الحضارة اللي خسرنها بأسباب الله اعلم فيها


مسجد السلطان احمد و المعروف باسم المسجد الأزرق



ايه صوفيا

مدخل قصر توب كابي

عملوا زي عرض على المدخل :) و جابوا زي الجيش العثماني زمان و مثلوا عملية تسليم الراية

كتير حلو كان ^_^

من داخل احدى الغرف كل الحيطان سراميك مزخرفة بزخارف اسلامية

المنظر من احدي شرف القصر

ما كنت بدي اطلع من هون وااااع دعوني اعيش هنا

مدخل قصر دولما باتشى 

بعد 3 ساعات وقوف في الدور و اخير اخدنا التذاكر

ما كنش يوم من التعب 3 ساعات دور و الله اجرام :(

بس كان القصر بيسوا هالتعب :)

 :( القصر من الخارج ممنوع التصوير في الداخل 

القصر كله على البحر شيئ خُرافي المنظر 

و انا بس بدي اضل هنا ما بدي اروح

القصر من البسفور :) 

جامع السليمانية

صورة في اخر شارع الاستقلال شارع التسوق :D

مسجد مش عارفه شو اسمه بس هو عند سوق البهارات القديم :) كتير حلو

مش عارفه وين هالصورة :S

في النهاية بدي احكي شيء في بالي! معروف ان قصر توب كابي هو قصر السلاطين العثمانين الأوائل بس صار قديم او على رأي اللي بشتغل بالفندق زهقوا منه السلاطين الجداد فبنوا قصر دلما باتشي، كان من الملفة بقصر توب كابي ان كل الزخارف عبارة عن زخاريف اسلاميه و نقوش لزهرة و اظنها التيوليب لانها الزهرة الاكثر شهرة باسطنبول و القصر لم يحتوي ابدا على اي صورة او مجسم للحيوانات او الارواح (اصنام) القصر اسلامي بحت و ما فيه شي يخالف الشريعة الاسلاميه، في حين ان القصر الجديد دلما باتشي دخل في تصميمه زخاريف اوربية و طبعا احتوت على مجسمات و صور لحيوانات و طيور و اللي هو ينافي الشريعة الاسلاميه. تحليلي الشخصي لنهاية الدولة العثمانية و الله اعلم طبعاُ ان السلاطين بعدوا عن الدين فضعفت الدولة و خسروا كل الفتوحات و الانجازات اللي كسبوها، لان الله ينصر من ينصره و الدين هو اساس القوة. طبعا مرة اخرى الله اعلم.

بس بجد بلد تستحق الزيارة