صباح الشارقة مع النورس

I liked it :)

هنـــاك جروح كقلم الرصـــاص ، نمحيهـــا وكأنهـــا لم تكن ، و هنـــاك جروحا كالرصاص ، تمحينـــا وكأننـــا لم نكن

ملطوش من كتب الوجه

الحمد لله الذي أذهب عنا الحزن

"وقالوا الحمد لله الذي أذهب عنا الحزن إن ربنا لغفور شكور"

على رغم كل الألم و الحزن إلا اني كنت سعيدة بمنظر إبرة المصل، اعشق منظرها في اليد! فلم اجد بدأ من الاحتفاظ بصورة للذكرة

أعلم انه ضرب من الجنون ولكن كان منظر الابرة مؤنسي في ساعات الألم

:)


! لكن لم يستمر فرحي و سعادتي بها بعد اليوم الثالث بعد ما تورمت و تنفخت إيدي
! و أصبح الألم مضاعف

و على الهامش
لا تصدق طبيباً عندما يصف لك ألم عملية بوخزة الإبرة
فمقياس الألم عند الأطبه يختلف كلينا عن مقياسه عند المرضى وهذه النصحية بعد الخبرة العملية
×_×


وصدق المثل
الصحة تاج على رؤس الأصحاء لا يراه إلا المرضى
الله يديمها على الجميع

الواجب المحرج

ما هو أكثر موقف غريب/محرج حدث معك على البلوجر؟ "أو على الشبكة ال"ذبابية" بشكل عام" ؟

الأخ هيثم عرف الوقت المناسب ليحط هالواجب
في الوقت اللي أنا لسه ما صحيت فيه من صدمة الموقف اللي انحطيت فيه من تحت راس الشبكة ال"ذبابية" صحيح مش هي كان اسمها الشبكة ال"عنكبوتية" و الا انا غلطانه @_@

يلا خليني انشر غسيلي الوسخ قصدي احكي قصتي و خصوصاً ان البلوج صاره زمن مهجور و منسي

كتير منكم أعضاء او على الأقل بزوروا منتدي الرسام عماد حجاجمحجوب دون كم او نص كم مش فارقة


و انا واحدة من الأعضاء هناك من زمان، صحيح اني مش كتير عضوة نشيطة أو معروفة بس بشارك من فترة لفتره خصوصا في المواضيع اللي بتخص الامارات محل ما أنا بشتغل و عايشة، فمعظم الأعضاء عارفين انا بأي دولة، وكمان كتبت أنا بإي دائرة حكومية بشتغل، لانه بصراحة احنا بهالدائرة فوق الـ 5000 موظف فحكيت مش هالشي اللي بخوف انه احكيه ما حدا حيعرفني

و زي ما الكل عارفين في مكان بالبروفايل للأعضاء الواحد بحط فيه شوي بيانات عنه مثل العنوان فأنا اكيد ما رح احط عنواني بس كنت حاطة على الطابق الـ 20 لاني كنت ناقلة جديد على هذا البيت و حاسه حالي معلقة بين السماء و الارض

مرت الأيام و خلال معرض تكنولوجيا المعلومات السنه الماضيه "جايتكس" اللي كنت مشاركه فيه و ما كنت مبسوطة اني مشاركه، كتبت مره كنوع من الفضفضة اني رح اكون مذنبه و معاقبه بالمشاركة بالمعرض

اظن بلشت تنعرف قصتي :D

رابع يوم المعرض و للأسف الشديد كان معظم المشاركين معي يركنوا علّي و يروحوا يلفوا بالمعرض و يتركوني لحالي فإجاني ضيف يسأل عن الخدمات و التكنولوجيا اللي بنعرضها في المعرض و هاد الحوار اللي دار

شو بتعرضوا انتوا هون ؟
و ليونس زي اللي عن جد لازم تكون مبتسمه لانه هاد زائر للمعرض
و بلشت اشرح بضمير و جديه و أعرض كل شي عنا

و انا في نص العجقة تاعتي بحكيلي
اظن اني انا بعرفك!
انا لهون لسه عادي
بحكيله انت في مجال ال أي تي
رد ايوه!
بحكيله بجوز إلتقينا بشغل خصوصا احنا اجتماعاتنا كتير بالشغل و مع شركات و دوائر خارجيه
بسألني انت من الأردن؟
و بكل براءة برد أه
بحكيلي ساكنه بالشارقة؟
برضو لسه كان الموضوع عادي لانه معظم الناس اللي بشتغلوا بدبي بسكنوا بالشارقة
فرديت اه
فبحكيلي على الطابق الـ 20!!! انا هون ضحكت ببراءه و حكيتله ااااه هلأ الموضوع صار فيه أنّ كيف عرفت؟ بس برضو ما راح فكري غير انه ممكن يكون ساكن بنفس العمارة و بشوفني هناك و من هالحكي

اللي هو بعرفني على حاله بإسمه المستعار على المنتدي

×_×

!!!أنا هون بلشت الصدمة عندي بجد و ما عرفت شو احكي

و بلش يحكيلي عن الاشياء اللي كنت أكتبها عشان يأكدلي انه هو نفس العضو
و اكد لي ان الموضوع بالصدفه ما كان مخطط إليه، بس لما مر من جنب الدائرة اللي بشتغل فيها حس انه انا ممكن اكون نفس العضوة اللي شكت بالمنتدى انها رح تكون معاقبة بالمشاركة في المعرض

يا الله شو اني انحرجت و استحيت ×_× و صرت مش عارفه احكي كلمتين على بعض

بس بعدين ركزت و جمّعت افكاري و حكينا شوي و تسهل مع باقي الناس اللي كان جاي معهم على المعرض

لسه لهلأ كل ما اتذكر الموقف بضحك و بحكي كيف الدنيا صغيرة

جبل و جبل ما بلتقوا بس انسان و انسان بلتقوا

و توتا توته خلص الموقف :)