Jun 2, 2008

شكر الله على نعمه

بالشكر تدوم النعم بالكفر تحل النقم

كتير بفكر هل عم بنشكر الله الشكر اللائق حتى يديم علينا نعمه التى لا تعد و لا تحصى
هل عم نشكر الله الشكر الكاف لحتى يزيد علينا النعم عشان تنطبق علينا هاي الايه
( لئن شكرتم لأزيدنكم )

كتير بخاف انه في يوم انحرم نعمة من نعم الله بسبب قله شكري او عدم صبري على قدر الله من غير علم منى واكون مما قال الله فيهم
(إن الله لا يغير ما بقوم حتى يغيروا ما بأنفسهم)

قرأت ان شكر النعم يكون بالقلب ، باللسان ، و بالعمل


شكر القلب
فهو أن يستشعر العبد عظمة الخالق ، وكرمة وامتنانه ، فيحبه حتى لا يقدم محبة أحد على محبته ، ولا أمر أحد على أمره ، فيخشع وينكسر ويشعر بضعفه وفقره


شكر اللسان
فهو أن يلهج بذكر الله ليلاً ونهاراً ، حمداً وتكبيراً ، واستغفاراً وتهليلاً ، وتسبيحاً وامتناناً
طوبي لمن كان لسانه طباً بذكر الله ، يذكره ويشكره على كل حال


شكر العمل
فهو أن تؤدي زكاة هذه النعم حيث تصرفها وتوجهها إلى ما أمرك الله به ، وتبعدها عما حرمه الله عليك


يا الله على نعم الله التى لا تعد و لا تحصى
نعمة البصر و ما اكبرها من نعم ما بعرفها غير من انحرم منها
نعمة السمع, نعمة البدن السليم , الصحة, العقل, العمل, البيت, الشغل, الملبس, محبه الناس, الاهل, الاقارب, و نعمه القراءة
يا الله لسه لهلأ في ناس ما بعرفوا يقرأوا و ما راحوا على مدارس و انا الحمدلله الله سهل لي كل السبل لأعلى درجات العلم ... طيب هل عم استغلها بشكر الله ... و غيرها من نعم الله ... يا الله حتى السرير الدافي نعمه مش اي حدا عنو اياه

اللهم الحمد لك حمدا كثيرا طيبا مباركا فيه كما ينبغي لجلال وجهك وعظيم سلطانك حمدا يوافي نعمك التى لا تعد و لا تحصى
اللهم لا تحرمنا نعمك علينا بذنوبنا اللهم لا تحرمنا خير ما عندك بسوء ما عندنا
يا رب اجعلنى من الذاكرين الشاكرين لك في السراء و الضراء

كتير عندي خوف من زوال النعمه

4 comments:

  1. "ان الله لا يغير ما بقوم حتى يغيرو ما بانفسهم"

    هاي اكثر اية بتاثر فيها و الي قصة ظريفة معها .. طويلة بحكيها بعدين
    جد معناها عميق كتيير


    و بخصوص الشكر
    بقلك هاد ارقى مراتب العبادة
    يعني احنا بنعبد الله طلبا للاجر و طمعا بالجنة و خوفا من النار
    بس في عبادة سببها الشكر لله

    الرسول صلى الله عليه و سلم كان يعبد الله و يقوم الليل و الصحابة يسالوه بما معناه لشو كل هالتعب بالعبادة و الرسول ضامن الجنة
    فالرسول عليه الصلاة و السلام كان يقول بما معناه اولا يشكر العبد
    :سمايل مش حافظ الحديث:

    سبحان الله و بحمده سبحان الله العظيم

    ReplyDelete
  2. يا انهار ابيض

    يعني طبيت بوجعي اليوم
    لسه و انا جاي اليوم الصبح و طبعا عالقه بالزحمه :\ كنت عم افكر انه أديش انا مقصره بقيام الليل

    الي بجوز سنه ما صليت قيام ليل
    :سمايلي مقهووووووور من تقصيره كتيييييييير بدينه :

    زي القتيله بنام حتى بالويك ئند و ما بقدر اصحى بالليل مع اني بكون حاطه المنبه هو كسل او شيطان الله اعلم

    مش عارفه ليش صايرة الدنيا اكبر همي عشان هيك عم بحس الايه عم تنطبق علي شوي شوي
    :عيوط:

    ReplyDelete
  3. مسا الخير

    والله و انا كمان كتير مقصر
    بتعرفي القصة بتعتمد كتير عالناس اللي حواليك

    و انا بالجامعة كنت بحب امشي مع الشيوخ .. بس شيوخ فهمانين
    طبعا ما كنت اصلي و بفضل الله خلوني اصلي و التزم بالسنن و جد كتير تحسنت اخلاقي منهم حتى كنا احفظ من القران و ووقت ما كنت حافظ سورة البقرة و ال عمران وقتها

    هون الوضع ماساوي
    يا دوب اصلي و للاسف مرات بتروح علي الصلاة و القران بالمناسبات لافتحه
    بس والله وضعي مو عاجبني و لازم ارجع زي زمان

    منيح اني رايح زيارة عالاردن
    هناك قدام اهلو الواحد بلتزم بالصلاة و الجامع ووقتها بتعود و باذن الله بلتزم لما ارجع

    الله يهدينا جميعا

    ReplyDelete
  4. ما شاء الله قدرت تحفظ سورة البقرة و أل عمران جد ما شاء الله عليك

    انا بصراحة بحس دبي يالذات بتلهي و بتبعد الواحد عن دينه من كتر ما في من رفاهيه و اشياء تلهي الواحد و تاخد كل وقته

    بحس فعلا هاد هو امتحان قوة الايمان عن الواحد انه مين بقدر يحافظ على دينه و حاله وسط كل هاالفتن و الرفاهيه

    الله يحميك و يثبتك و ايانا على الدين

    ReplyDelete