Hey you damn thing inside my head stop thinking, you tired me and achieve nothing except paining me, see you are just a garrulous useless thing.Actually why i am now facing all this pain; isn't it because I followed your brilliant ideas that drove me to this end, so this time keep your thougts and ideas to yourself and leave me alone.
طبيعي يمر الواحد بامور زي هيك
ReplyDeleteلما تكون بشكل مؤقت و ما تصبح عادة
و كثرة التفكير بتخلي الواحد يتخذ قرارات مو صحيحة
انا هلا بفكر كثير ب امتحان بكرة و بخسارة البرشلونة امبارح
بعين الله
والله المشكله انه صار بشكل دائم
ReplyDeleteو بطريقه مزعجه كتير
هي تفكير على تأنيب ضمير على شعور بالذنب و قهر من الظلم و خوف من المستقبل
يعني مطبله معي
:3ayoot: بدي اجازه من مخي
^_^ صحيح هارد لك لبرشلونه
و موفق في امتحانك
:zahra:
رجعنا لنفس السواليف!
ReplyDeleteلازمك تغيير جو
تغيير طريقة التفكير
تمارسي هوايات
تشربي شاي
وأهم شي تشربي شاي
:D ليش احنا خلصنا منها من اصله
ReplyDeleteاصلا هالافكار و الموضوع اجاني و انا كنت عم بمشي رياضه :D
ليش بضايق من مخي عشان حتى و انا مفروض عم بعمل شي حلو بيكون عم يفكر و ينكد علًى كل شي حلو
:\ عم بشرب يانسووووووووون
انت اكيد بتشرب شاي مش شي تاني ^_^ جد كل هاد ادمان شاي
:D
والله شاي
ReplyDeleteليش مش مصدقيني
شوفي يا ستي
فوائد الشاي كثيرة
وبتلاقي بوست عن هالموضوع
في بلوغي
:خجول:
لا جد
أنا عارف عن شو بتحكي
وكل هالأمور بتصير مع الواحد
لما تصير حياته نمطية
وما فيها تغيير
وبكون مش راضي عنها
حتى لو إنه مش شاعر
بس من جوا بكون مش راضي عن نمطية الحياة
أو الشغل
فلازم الواحد يبحث عن بعض التغيير
أنا غرقان بهالشغلة
بس مش قادر أغير شي بالوقت الحاضر
وعشان هيك مخنوق
بس يعني عارف شو علتي
وبحاول أدور لحالي على علاج
ربنا يفرجها علينا جميعاً
معلش سؤال شخصي
إنتِ عندك أصدقاء؟
بالواقع، مش عالنت.
من خلال تجربتي
الوقت إللي بقضي مع أصحابي من أجمل أوقات حياتي
بحلوه ومرّه
بفرحه ومشاكله
خصوصاً لما ربنا يبعتلك أصدقاء
من النوع إللي بتلاقيه جنبك بكل الظروف والأوقات
http://www.une.edu/images/userImages/stevesmith/Page_9091/searose1550.jpg
http://www.weissler.de/sonstiges/southernafrica/day_16/sea_rose_file.jpg
اه قرأته موضوع الشاي ^_^ بس المشكله مش كتير بحبه انا
ReplyDeleteشكلوا و الله بنعاني من نفس المشكله, انا كمان مش راضيه عن حالي و وضعي و كمان مش قادرة اغير, كل طريق بمشيها بتكون مسكرة بوجهي هاد الشي بدبحني و بقتلني من جوى
الله بعين و الله يفرجها عن الجميع
هلأ عن سؤال الاصحاب و ما ادراك ما الاصحاب
في عندي اصدقاء يس ما بلاقيهم وقت ضيقي, فما اظن ممكن نحكي عنهم اصدقاء, وباعتقادي ما عاد في اصدقاء في زمن كله مصالح و مظاهر
غلطانة يا أختي يا حورية
ReplyDeleteوالله لسه في أصحاب
أنا والحمد لله عندي أصحاب كثير
وأغلبهم ببينو وقت الشدة
وبدون ما أطلب
خلي أملك بالله كبير
إلا ما يفرجها عليكي
وإعتبرينا أصحاب
وشوفي بتلاقينا بوقت الشدة وإلا لأ
:) مفصوم أنا صح (:
الاصدقاء برأيي هم اصدقاء الطفوله لان ما جمعتهم اي مصلح بس محبه
ReplyDeleteانا ولدت و كبرت في بلد غير الاردن و الامارات ... هناك كان عندي كتير من الاصدقاء و اللي لسه عندي اتصال مع بعضهم و اللي لسه كتير بتذكرهم في نفسي و قلبي بس ازعل او افرح... جد بتمناهم دائما معي
بس الاصدقاء اللي اجوي على كبر بس رجعت على الاردن او قابلتهم هون بالامارات معظمهم ما رح احكي كلهم ما بندرجوا تحت كلمة صديق حقيق
و الله الي الشرف انك تعتبرني من اصدقائك سفو
:give:
يا ستي إعتبريني صديق وأخ كمان
ReplyDeleteوإلا بشي يوم ما تلاقي صديق
يكون صديق بحق
من خلال تجربتي بمحجوب
مع إنها قصيرة نسبياً
بتقدري تقولي سنة
صار عندي أصدقاء وأنا بعتبرهم إخوان
وقت ما تحتاجي تحكي مع حد
بتلاقيني إن شاء الله
:rose:
يا ستي انا تعلمت شغلة
ReplyDeleteتعلمت انو أحيانا بنغلط مشان نتعلم شي بديهي صح ؟ بس أحيانا هل الغلطة بتكون نقطة تحول بحياتنا صدقيني
يعني ممكن أحيانا الواحد يغلط أو يتألم وبعدين يقرر انو يغير حياتو كليا وهل التغيير بكون نعمة عليه يعني ازا بدك تحسبيها الألم تحول لنعمة
مرة قريت انو في كاتب شبه الإنسان بقلم الرصاص وانو القلم أحيانا بيحتاج بري بالبراية وصحيح بتوجع بس بتخليه يكتب أحلى وأوضح وكمان التجارب بتوجعنا بس بتعلمنا كتير والمفروض تخلينا أقوى
يعني أنتي صمدتي هل التجربة وهل الالم مريتي فيه ومازلتي واقفة على رجليكي وإيمانك منيح والحمد الله وفي غيرك هل التجربة ضعفتهم أو ما تحملوها إذا انتي أحسن من غيرك في بعض انلواحي
أحيانا بدك تفكري هيك
يعني ممكن تغلطي انو تسلكي طريق غلط او طريق جابلك ألم وحزن أو
يعني الغلطة ممكن تكون كبيرة او صغيرة مقصودة او مش مقصودة بس المهم انتي شو طلعتي من النتيجة؟
يعني ما بعرف شو الألم الي عم تحكي عنو او شو الأفكار الي وجهتك غلط بس المهم شو تعلمتي من التجربة وإن شاء الله كل شي بصير النا خير النا إن كان حزن اصبري ويا رب يكون الك الأجر وأحيانا وانا لاحظت انو بعد الحزن والالم بتجينا مفاجآات حلوة
وبحكيلك عن تجربة
"إن بعد العسر يسرا"
صدقيني هل الخنقة انا كمان حاسة فيها بس بايدنا نغيرها وأحيانا بقول ليش ما بغيرها..كسل أو خوف من الفشل أو تعود أو خوف من مواجهة شي جديد ما بعرف
بس بايدنا نغيرها صدقيني وأكييد بالتوكل على الله عز وجل ^__^
انتي قبل فترة قلتيلي بتحبي تعيشي يومك متل ما هو بدون تخطيط وأهداف بس اسمعي كلامي وحطيلك كم هدف سهلين وحلوين وشوفي بس توصلي للهدف شو شعورك وخبريني
وكمان شغلة نمي هواياتك مثلا ازا بتحبي تزلج او سباحة بأيام إجازتك ممكن تروحي وانا لاحظت لما بتعرف على ناس جدد وبحكي معاهم لحتى لو دقايق كتير بنبسط وبحس بفرحة
فاشتركي بنوادي..صالة رياضة..أماكن رسم الي بتحبيه ورح تشوفي ناس وعالم..تغيير جو
وابتسمي ليش مكشرة :D
Spring BlEnD : )
سبحان الله العظيم وبحمده
سفو
ReplyDeleteجد بشرفني كتير اني اكون اختك
و جد كتير سعيده بمعرفتك و معرفه كل الناس الطبيه اللي بتيجي هون
:rge: بس عاد استلأ وعدك
رح جنينك بمشاكلي :D
bless u :give:
Spring Rain
ReplyDeleteمعك حق عزيزتي جد انا بحمدالله 1000 مرة على اني صمدت و ما انجرفت لتيار الفساد خصوصا في مرحلة من الوقت كانت كل مغريات الدنيا بين ايدي
بس الله رحمني و ثبتني
هلأ مشكلتي ما كنت غلطتي هي قدر من الله و فعلا غيرتني كتير بس هالتغيير انا مو حاببته و مو راضيه فيه عن نفسي
مثل انه صرت اقوى و احزم في المواقف الصعبه هلأ ممكن تعتبرها ميزه بس انا افتقد البنت الرقيقه اللي كانت في داخلي
و كتير من الشغلات و كلها بتصب في نفس الدائرة
بالنسبه للأهداف احكيلك ليش ما عم بخطط لشي حاليا
هلأ من شي سنتين و كل ما احط اهداف لحالي القدر بعركسها و بتصير مشاكل و مصاعب جد ما بقدر بعدها اكمل الطريق لانه القدر اقوي من كل شيء
انا حاليا عم بحس ان الله عم يختبر صبري و احتمالي و انا عم احاول ما اتضايق و اتقبل كل شيء زي ما بيجي من الله لاحس ان الظروف صارت احسن عشان اقدر ارتب اهداف لحياتي
املي بالله كبير و بستنى يجي اليسر بعد كل هالعسر زي ما وعدنا الله
كلامك دائما رائع و ببعث بالتفاؤل
الله يحميكي
:hug:
حياكي الله
ReplyDeleteأخت عزيزة إن شاء الله
وأنا بخدمتك
مهو أنا مجنون خلقة
فمش راح تفرق كثير
وعالعموم مثل ما حكيتلك
أنا تقريباً
شبه يومي بتواجد عالماسنجر
لا تترددي تحكي معي إذا حسيت بإنك حابة تحكي وتفضفضي
كلنا بحاجة للحكي
:)
مسا الخير جميعا
ReplyDeleteالحمدلله فترة النكد المؤقت انتهت
انجحت بالامتحان و برشلونة الله خرجه لا يرده يروحو يغيرو المدرب احسنلهم و المخالفة دفعتها و طلعت بدون نقاط سودا
:yaaaaaai:
ما علينا
زميلة اسدة انا ما بعرف شو ظروفك ليسببلك كل هالقلق باينتو عندك مشكلة او مشاكل طويلة الامد
برايي تلجئي للاصدقاء المقربين اللي بعرفو شو حياتك الا ما يفيدوك باشي لانو همي بعرفو شو ظروفك
او لاقربائك او زوجك اذا كنتي متزوجة
لانو صعب نواجه مشاكلنا المستعصية لوحدنا
by the way i dont understand the VOTE, is that 4 u or for general
sfo
ReplyDeleteتسلم يارب
كلك زوق
بعتز اني اكون اخت
الله يوفقك و يرضى عليك
:give:
محمد
ReplyDeleteألف مبروووك النجاح و منها للاعلى منها
بالنسبه للمخالفه تعيش و تأكل غيرها قصدي تحكي لاولادك
:101:
اه انا مشاكل صعبه و ملازمتني مش ناويه تحل ^_^ المشكله انه بس بلشت مشاكلي تعرفها الناس و صحباتي هالحكي سنه 2003 اعز صاحبتي بعدوا عني خافوا عحالهم من الحسد ^_^ فبطل عندي ثقة بحدا
وللاسف اصلا ما حدا بقدر يساعدني لا امي و لا ابوي لانه هاد قدر و انكتب من الله و لازم اتقبلوا زي ما هو
بالنسبه للتصويت فهو عني انا بس, رح احاول ازبطه ليصير واضح اكتر
شكرا لاهتمامك و مرورك
:give: