عشنا و ياما ح نشوف ... عوجا و الطابق مستور

الحرب الباردة بالشغل بين الشركة و الزبون و الضحيه الموظف

هلأ كنت اسمع بهذا المصطلح لحتى اليوم عشته بذاته

طبعا تعاقدت شركتنا الموقره -الله يسامحهم بس - مع دائره حكوميه لتنفيذ مرحله تانيه لنفس مشروعنا الاول
يعني ناس بعرفونا و بنعرفهم
هلأ طبعا العقود بتم بين المدراء من الطرفين و احنا ما النا دخل
احنا بس بنعرف شو المطلوب منا من مدراءنا

بلا طول سيره صررلنا كم اسبوع و احنا مديرنا بحكلنا اشتغلوا 1 ..2 .. 3 و ما تشتغله 4 عشان هيك الاتفاق الموقع بينا
بنروح عند الزبون بحكينا لأ اشتغلوا 4 ..5 .. 6 هيك توقع العقد
بنروح نحكي مع الشركة بحكولنا تردوش عليهم ومن هالحكي
و احنا زي الاطرش بالزفه

اليوم بحكي مع الزبون و بحكيلوا هيك هيك اوامر الشركه
ما لقيت الا بع فيً بحكيلي احنا اصلا اشتريناكم من الشركه و انتوا هلأ بتشتغلوا زي ما بدنا و بتاخدوا الاوامر منا
:S
طبعا انا كان فيً نتوفت عقل و طارت ... حسيت حالي بايام الرق و العبيد
وقال رفع التلفون و شكى علينا للشركة و انا لسه تحت الصدمه
والله 5 دقايق و مديري متصل فيً شو القصه
و يا حرام شو صار فييييييه :D

بلا بلا بلا
انا ما بشتغل غير لما انا اشوف العقد و اقرأه و اعرف شو النا و شو علينا
مش هيك نسمع من هون كلمه و من هون كلمه
و الله ربنا ستر كان كتير متفهم و بلع فشت غلًي فيه
و حكالي تعالي على الشركة و بنحكي
والله و رحنا كلنا شباب الشركه و اجتمعنا
و ما لقيته غير معطيني صورة عن العقد و بحكي ادرسه براحتك
o_O

طبعا و اكتشفت اديش في ناس نصابه و كذابه
من ابسط الاشياء
كان زبونا - الله يغص بالهم - حكيلنا انه اتفاقنا مع شركتكم الدوام لل 5:30
و طلع العقد لل 2:30
:S
و احنا النا شهرين على هالدوام
الله لا يوفقهم

هذا ابسط شي لسه غير الشغل اللي اخدوه زيادة و هو مش مكتوب بالعقد
طبعا هم كذابين و نصابين و استغلاليين بس كمان شركتنا هبله

ليش ما يكون معنا حدا بعرف اللي النا و اللي علينا بالمشروع

و يدافع عن حقوق الشركة

و طبعا و ما بتروح الا على الموظف المتعوس

:S

جد عشنا و ياما ح نشوف
عوجا و الطابق مستور
o_O