2al shooo be7koolak happy birthday
نبلش من الصبح مكيف غرف النوم خربان, قلنا معلش هاي مكيف الصالون شغال و عم ببرد البيت, من شي الواحد يتنكد و يضرب بوز عليه, و الله و لبس أواعيي الجديده و رحت على الشغل قال شو عيد ميلاد اليوم, و قال شو هالسنه ما بدي اتنكد و بدي انبسط و ما ابكي زي كل سنه, رحت على الشركة و اذا مكيف الشركه خربان, و طبعا انا مضطره ابعت ايميل ضروري فضليت بالسونا قصدي الشركة لمدة ساعة سحت فيهم قبل ما بعت الايميل, الله ستر و مررت هالساعة على خير ,و سحبت حالي و رحت عند الكستمر تاعنا عشان نكمل شغل, وصلت ما لاقيت حدا بالمكتب, حكيت انا مالي و مالهم,و الله و طلعت اللاب توب و وصلته و انه يشبك و يشوف البرنامج و لا حياة لمن تنادي, انه النت ورك باينه شغاله و ما مالها شي, و بعد شوي اجوا الشباب و بحكولي كل السيرفرات مطفيه و ما في شغل بكل الدائرة الحكوميه, أكبر دائرة حكوميه بدبي اليوم كانت معطله و شغلها واقف, اي مره وقف الشغل فيها بس نص ساعه عملوا البلاوي, كيف اليوم كله الله يعين شو رح يصير بكرة و مين رح يطير من شغله, بهالفترة حكيت استغلها و احكي مع اتصالات بحكم اللى اكتر من اسبوعين بستنى يركبوا الانترنت و لهلأ ما حدا حكى معي, طبعا حكيت و يا ريت ما حكيت, قال شو عم يعملوا تجديد كوابل بمنطقنا و ما في تركيب اشتراكات جديد غير لما يخلصوا يعني ابو شهر زمان, و حكينا نصيب و قلنا نكمل نهارنا بدون نكد و سكت و انضبيت, على الساعه وحدة حكينا مع الشركة و كانوا مصلحين التكيف فحملنا حالنا و رجعنا على الشركة, بعرفش كيف فلتت شنطة اللاب توب من كتفي و لقفتها بايدي فانخلعت رقبتي, و لهلأ ملوحة مش قادرة احركها, حكينا نصيب.
رجعت على البيت و أخيرا بعد طول انتظار الغساله الجديده بدها تجي, و الله ساعة زمن و اجت العروس, فكوها و زبطوها و يا ما احلاها حطوا اون عشان يجربها و إللاااااااااااا اوبس شورت كهرباء و انحرقت الغسالة ما لحقناش نفرح فيها و راحوا حمالوها معهم و راحت المسكينه باصابات بليغة, و طبعا راح العامل عشان يرجع الكهرباء للبيت لان القاطع فصل, شغل القاطع, اووووووبس الكهرباء بتضو و بتطفي, المكيف اللي كان شغال بطل شغال, راحوا نادوا الصيانه تاعت العمارة, و يا تارى شو صار, المسؤول عن العمارة باجازة, بدكم تصلحوا صلحوا على حسابكم و بعدين بنتفاهم, حكينا امر الله و الله و اجى الفني و فتح القواطع و الا في قطعه مفحمه مش بس محروق, و هي عم استني يروحوا يجيبوا القطع, الله يستر بس انها تكون موجودة مش تنقطع من البلد
و قال شو بحكولك عيد ميلاد سعيد, قال شو نا في شي اسمه حظ سيئ,اي كل هذا و ما في شي اسمه حظ سيء لعاد شو هاد
و يجب أنا أكون سعيدة في يوم ميلادي
Look At The Bright Side ...
ReplyDeleteYou Still Alive Sis. , Hopefully the next coming year would be full of joy and good news ...
BTW , My Gift For You (the monitor) was to use it at ur work ;)
LUNAR
sure i'll look to the bright side, 3ashan hek ma ze3elet lamma en7are2 el receiver last night :ops: :D
ReplyDeletebass la ya2sa ma3 el 7aya O^o w maser el wade3 yet7asan O^o
hope that :3ayoot:
thanks 3ala el monitor :rgs: sar hek 3endi 3 monitors bel sho'3ol :ops: kataret 3alli el sho'3ol :rant: :p
:)