طبخات ... نيسان

بما انه في حملة لترجيع المدونين المختفيين و منها نيسان اللي رجعت بطبخة وحدة و خلص ما عادتها ... قررت اني اضارب عليها و اصير انزل طبخاتي بلكي ترجع تتحمس و تتطبخنا مواضيع  جديدة ^_^ و كمان لهدف شرير تاني اللي هو سرقة الافكار  طبيخية منها  ^_^

طبخة الجمعة كانت كوسى محشي و ورق عنب، بحكم اني معطلة فبكون معي وقت اعمل هيك اكلات بتغلب، بس برضو اكتشفت انه اللي بعمله خطأ لانه هاد الويك اند للراحة عشان الواحد يرجع على الشغل بعديها و هو مرتاح و مفعم بالحيوية، بس انا بصير معي العكس بس يخلص الويك انك بصير بدي اجازة عشان ارتاح منه ×_× صدق اللي قال العمر بخلص و شغل البيت عمره ما بخلص 

والله يعطي امهاتنا الصحة و العافية على قد ما تعبوا علينا :) 

على الهامش صرت تحت ال 54 ^_^