الأردن بين الطب و الأطباء

معروف ان الأردن من أحسن الدول العربية و يمكن بتنافس الدول الاجنبية من ناحية التقدم العلمي في الطب و العلاجات بس برضو بحب أضيف شيء و عن خبرة عملية ان الأطباء الأردنيه من أسوء الأطباء عالميا من حيث  المعاملة مع المريض و احباط و طفس اي ذرة امل في قلب المريض، و الحلو بالموضوع انه و بمجرد ما الطبيب الاردني يشوف المريض انحبط وانحرق قلبه ويأس من الحياة مو بس العلاج ، قال شو بصير يعطيه أمل بالعلاج السحري اللي هو رح يعطيه اياه! بالزبط يعني بعد ما يعميها بيجي يكحلها

و بحب اضيف شغله كل هاد و هو لسه ما فحص بس عم يفتي بعد كم سؤال سأله للمريض قبل ما يبلش يشتغل بأنامله السحريه يعني، و بنسى ان الراحة النفسية للمريض هي جزء مهم من العلاج، بذكروني بالمثل اللي بحكي "الفهم فضلوه على العلم" صحيح مش كل شخص متعلم بفهم باّداب المعاملات و المحادثات مع الناس و مراعاة نفسياتهم و ظروفهم 


الله يعين الناس و يشفي كل مبتلى شفاءاً تماما من فضله و يغنيهم عن هالعينة من الأطباء