Apr 3, 2011

أفكار مكركبة

بعد خدمة اكثر من 3 سنوات في عام التدوين هذا المرة الأولى التى أشعر اني في حالة مطابقة لإسم مدونتي

افكار مكركبه

الصراحة ليس فقط هي افكار المكركبة و لكن انا نفسي في وضع مكركب

أيام بتمر بسريعة
و التغيير في الطريق
قله نوم و أكل غير صحي
تعب و سفر و ترتيب شنط
مشتريات و تحضيرات
فاضيه و معجوقة و عاجئة الناس معي

و الأهم الخوف

خوف و رهبه معبيه قلبي و راسي
طول عمري بعرف حالي خويفه و جبانه بس ما كنت متخيله لهالدرجة
و بدي اخبى هالخوف عن الناس فبروح بتمشكل مع حالي و مع الناس وبقلب الدنيا فوق راسي
و النتيجة بتكون انه خوفي بزيد مش بقل!

طب ليش انا خايفة ... طب من شو انا خايفة
مش عارفه
طب يعين شو متوقعة انه شي يصير
مش عارفه
طب ليش النظرة السوديه
برضوا مش عارفه

أفكار و أفكار بتدور في راسي و لا عارفه احكي عنها و لا عارفه ارتبها في راسي

حتى شغلى ما سلم من أفكاري المكركبة
مش عارفه اركز و لا عارفه اشتغل

اللي بعرفه حاليا اني نفسي أنام 12 ساعة متواصله
at
Labels:

10 comments:

  1. sheeshanyApril 3, 2011 at 3:05 PM

    12 كثير!
    أم عمر بتكرهك أكثر بعدين

    إذا كل 3 سنوات ف .... بسيطة

    :)

    ----
    ما حدا ملحق! و لا حدا متأكد وين "طريقه" بدو يكون هالأيام :(

    ReplyDelete
  2. SalehApril 5, 2011 at 12:05 AM

    الله ياخذ بإيدك و يسهلك كل أمورك، بس جزم من هالحكي أظن إنه إحنا جايبيبه لحالنا

    ReplyDelete
  3. WhisperApril 5, 2011 at 1:45 AM

    الله يفرجها عن قريب
    كل انسان حياته بتمر بمطبات ذات تأثيرات مختلفه اشي بس بخضّك و اشي بخلي راسك يضرب بالسقف و اشي ببنشر العجل فبتضطري توقفي شوي لتزبطيه

    ولكن ولله الحمد بترجعي و بتمشي على شارع منبسط و مريح

    بعد كل ديقه فرج وبعد كل باب تسكر بوجهنا في ابواب بتفتح بس بدك ما تضلي واقفه بين الابواب متردده, قرري تمشي من هالباب و تتوكلي على ربنا و
    ربنا يكتبلك كل الخير

    هالحكي بوجهه لنفسي و الك :)
    ان شاء الله تكوني احسن مني و تطبقيه :)

    ReplyDelete
  4. AnonymousApril 7, 2011 at 11:44 AM

    صباح العطر سيدتي

    في البداية أحييك وأرسل لك باقة كلماتك لعلها تساعدك أو حتى تخفف عنك قليلاً ...

    التوتر والإرتباك مع الخوف يزيد الطين بلة وأياً كان ما سبب لك هذا التوتر فأنت ستزيده بأرتباكك هذا في حين الهدوء والتفكير بروية مع بعض الإستشارة لمن تحمل كلماته راحة في نفسك وكوني قريبة جداً من الله فصدقيني من يبعد عنه ستكون معيشته صعبة ...

    أتمنى من قلبي أن يأخذ الله بيدك وأن يشرح صدرك ويزيل أرتباكك وحيرتك ..

    تحياتي وتقديري

    ReplyDelete
  5. RainApril 9, 2011 at 2:21 PM

    توكّلي عالله و يا رب بيعطيكي اللي فيه خير
    الله يهدّي البال

    ReplyDelete
  6. هديلApril 13, 2011 at 7:20 AM

    ربنا يتمملك على خير يارب .. و يقلب خوفك أمان و حنية و هداة بال :)

    ReplyDelete
  7. LioneSSApril 14, 2011 at 9:20 AM

    @ هيثم
    حاليا حتى ال 12 ساعة مش كفاية @_@
    و ام عمر كرهنتني كرهنيتني بكل الاحوال

    و اصلا الاسبوع الجاي ام عمر رح تكرهني اكتر :D

    @ صالح
    و الله في منه انا جايبه الغلبه لحالي
    بس برضو في اشياء خارجه عن الارادة @_@

    الله يسمع منك يا صالح :)

    ReplyDelete
  8. LioneSSApril 14, 2011 at 9:24 AM

    همسه عسولة :hug:
    تسلمي يارب على الكلام اللي برفع المعنويات خصوصا جزئية التردد! فعلا انا كتير مترددة و خويفة و دايما وقت القلق و الحيرة بحس اني بحاجة حدا يمسك ايدي و يمشيني على الطريق الصح

    الله يفرجها علينا و عليكي و يهدينا دايما للافضل :D

    ReplyDelete
  9. LioneSSApril 14, 2011 at 9:33 AM

    ريبال بيهس
    اولا اهلا و سهلا فيك و شكرا على الكلامات اللطيفة :D

    فعلاُ التوتر مشكلة كبيرة خصوصا اذا شمل التوتر من حولك من الاهل و الاصحاب!

    و فعلا الحمدلله على نعمة الاسلام و القرب من الله دايما عليه اتوكل و افوض امري له

    أمين الله يسمع منك يارب :)

    ReplyDelete
  10. LioneSSApril 14, 2011 at 9:36 AM

    مطر عسولة :hug:
    امين الله يسمع منك يارب
    الحمدلله دايما مفوضى امري لله
    شكرا عسولة :)


    هديل :Hug:
    امييين :)
    الله يكتبلنا الخير اجمعين يارب
    و يهدي البال
    شكرا يا قمرة :)

    ReplyDelete

Subscribe to: Post Comments (Atom)
  • أحذر أن يشتكيك أحد إلى الله
    ا حذر من كسرة النفس فالله   سيسألُك   يوماً   عن   عينٍ   أبكيتها،   وعن   قلبٍ   أوجعته ، و روح   كنت سبباً   في   فقدِها لأمانها وإطمئنانه...
  • نا نا نا ^_^
    والله و اجاني الحلوان للامارات ^_^ هاد حلوان أخونا و صديقنا العزيز شفيق و الملقب ب SFO ^_^ يا ريتوا ألف ألف مبروووووك يا شفيق الخطبة و الماج...
  • My Refrigerator
    Click on the picture and you read them I carefully pick the words Actually I am really fan with magnetics ^_^