شو بحب و شو بكره

شو بحب

بحب لحظات الأنتظار و الترقب لبداية رمضان، ان رمضان بكرة او لأ

بحب لحظة اعلان رمضان و تبدى التلفونات كلها ترن اما اتصالات او المسجات من كل الاحباب و الاصحاب و من ناس زمان ما حكينا معهم

بحب زينة رمضان (الهلال و النجمة) و اللي كتير بستفقدها هون بالامارات

بحب بصورة عامة الاجواء الروحانيه طول الشهر الفضيل

بحب منظر الناس و هي رايحة تصلي صلاه المغرب برمضان

بحب منظر موائد الرحمن – خصوصا هون بالامارات كل الجوامع بتعمل موائد رحمن على طول الشهر

بحب منظر الناس و هي رايحة تفطر عند ناس و تكون حامله معها طنجرة أكل :)

بحب لحظات انتظار أذان المغرب و ريحة الأكل معبيه البيت و الواحد مو قادر يهجم على الاكل ^_^

بحب طعم اول تمرة بكسر فيها صيامي – الحمدلله على نعمه -

بحب القطايف برمضان بصراحة رمضان ما بكون عندي رمضان بدونهم لازم كل يوم ^_^

بحب صلاة التروايح و دعاء القنوت بالاخر – يارب تقدرنا عليها و تتقبلها منا

بحب صحيت السحور و فنجان القهوة على السحور – جد نكهته غير

بحب اللحظات قبل أذان الفجر و السكون اللي بكون بكل مكان

~*~*~*~*~*~*~*~*~*~

شو بكره

بكره الزحمة برمضان

بكره عصبية الناس بالسواقة

بكره الكسل في رمضان

بكره اشتري برمضان بس بصراحة بحب انزل للسوق و أشوف كيف الناس معجوقة و هي تحضر للعيد خصوصا الأطفال و هم عم يتشرطوا بدي هاد و ما بدي هاد منظرهم ببقى يضحك

My Tag will be Multi-National :)

• Spring Blend (Lovely Emirati Girl ^_^)
• Jaz (Kind Egyptian lady lives in USA as i think)
• Palestinian Princess from Palestine to tell us how is Ramadan there.