!!! عين الرضا ... و عين السخط

من أقوال الامام الشافعي

وعين الرضا عن كل عيب كليلة ... ولكن عين السخط تبدي المساويا

هيك صار معي مع بيتي الجديد
البيت اكبر من القديم و العمارة اجدد و البيت مشمس و نظيف يعني مو عايبه شي
بس لاني حبيت عمارتي وبيتي القديم كتير كان كل شي مو عاجبني بالبيت الجديد
لدرجة اني بالاول ما رضيت انام فيه و كنت انام عند اخوي
بس الحمدلله بلشت هلأ اتأقلم مع البيت و خصوصا بعد ما بلش يترتيب شوي

هو الصراحة المسأله مش مسأله انه البيت مو عاجبني
المسأله عندي كانت الضيق من فقد كل شي حلو بحياتي
اني كل شي بحبه بروح مني بظروف مو بإرادتي
كتير صاير عندي هالهاجز
عشان هيك بحاول ابتعد عن اي شي حلو ممكن اتعلق فيه

حتى أهلي بعد كم يوم جايين عندي بس انا مو مبسوطة
خايفه اتعلق فيه و بوجودهم بالبيت
و بعدين بس يسافر اكتأب متل ما صار المرة الماضيه
و المشكلة صحتي ما عادي فيه حيل تتحمل اكتأب

الله المستعان



^_^ هاد المنظر من كل شبابيك البيت ^_^ كل الغرف بتطل على بحيرة خالد

العمارة البيج على اليسار هاي عمارتي القديمة
و العمارة البيضا اللي وراها عمارة بيت اخوي
و العمارة على اليسار عمارة ابن خالتي
^_^


^_^ منظر من الشباك التاني في غرفة بابا و ماما بطل على بحيرة الممزر


الجامع اياها اللي كان يطل عليه بيتي القديم
الحمدلله لسه بنسمع الادان و الصلاة في البيت
^_^


من شبك المطبخ يعني بصير اعد السيارات و انا بجلي الجلي
^_^

الحمدلله يارب ... يا أكرم الأكرمين

اللهم رضيني بما قسمت لي واكتب لي الخير حيث كان