اشتغلت فيها من كل قلبي و حبيت هالمشروع و حبوني الناس اللي فيه
كان في مدير مشروع يضل دايما يحكيلي انه بدو يسحبني و يعيني بالحكومة
و انه رح توصلي و تاخدي مركز منيح بالشغل و من هالحكي و دايما فخور فيني
وشركتي عارفه هالحكي و ما في عندها مشكله انه بضل دوام الحكومة اسهل للبنت و كانوا الكل بدوا راحتي لانه الحمدلله ما قصرت بحق حدا
هلأ لما صار معي الظرف المأساوى و اللي في ناس كتير هون بعرفوه و اضطريت ارجع على الاردن و عينوا الشركة 3 محلي و ما عرفوا يمسكوا المشروع
بالفترة هاي مدير المشروع تغيير و اجي مدير جديد كان اصلا مديري بشركة بعمان
كنت كتير احترمه و تعرف على بابا و كان كمان بابا يحبه
هالانسان بس اجاي على الامارات انجن اجاه داء العظمة ما بعرف ليش
بس لفت الدنيا و رجعت على الامارات بناءا على طلب الدائرة الحكوميه بس عن طريق شركتي لحتى ما يكملولي اجراءات التعيين عندهم كنت مبسوطة انه هو المدير و هاد اللي شجع اهلي يوافقوا اني ارجع
لما رجعت انصدمت لان شركتي كانوا يكرهوه كتير و كل ما يجوا يحكوا عنه شي مش منيح ادافع دفاع جنوني عنه انه هو منيح و انت العاطلين
بس بلش يعطيني صدمات و انا كل مره اعطيه عذر
من الصدمات
- ما تحلمي تشتغلي بالدائرة الحكوميه عشان انتي خبرتك ولا اشي, طيب ليش طلبتوني بالاسم
- اصلا على شو شركتك بدفعولك هالراتب
- لما اخدت دورة ادارة المشاريع بحكيلي بمسخرة اشوف شو بدها تنفعك انقعيها و اشربي ميتها و الله بهاللفظة و انا مصدومه طيب لشو هالحكي شو عملتلك انا
- ذل الشركة عشان كان عارفه انه وضع الشركة المادي مش منيح و انها بحاجة لهالمشروع
- وذل الموظفين اللي انا من بينهم انه مش صاححلكم شغل تاني فرح ترضوا بإهانتي الكم و تسكتوا عشان ما في عندكم بديل
- كل ما دق الكوز بالجرة يحكي للشباب عنا بطردكم و بجيب غيركم
- و ما خفيه اعظم في اشياء مو قادرة احكيها
- اخر المطاف لما حكى لشركتي "بدي بديل عن ليونس
هلأ انا لما سمعت هالكلمة كان فيني شويت عقل و طار و حلف 100 يمين ان اموت من الجوع و لا لقمة بذل و زتيت الاستقالة و بعيت اثاث بيتي و نويت الرجعه على عمان ... هالحكي على ما اذكر شهر سته او سبعة
لحتى الله بيوم و ليله فرجها على بشغل جديد الحمدلله دايما و ابدا الى يوم الدين
هلأ مضى على هالحكي اشهر و زي ما تركت المشروع مكانك قف بالعكس عم يخرب
اليوم الدائرة الحكوميه بذاتها اتصلت في و طلبت مني ارجع مش لاقين حد يمسك المشروع لانه جد المشروع كبير
هلأ انا اللي بدي اعمله بس ارد عليه كلمته
بدي بديل لمدير المشروع
هو بكل الاحوال هلأ اتأذى من اللي عمله لانه الدائرة الحكرميه حاطه عليه كل الحق بفشل المشروع من اسلوبه السيئ في التعامل
و جد شكله الموضوع اكبر من هيك لانه عم بحاول يبعتلي ناس تتواسط عشان ارجع
هلأ صار ليونس حطي المبلغ اللي بدك اياها بس ارجعي
يا الله على الناس و المصالح
بس خرجوا جاجه حفرت على راسها عفرت
يعني انا اذا بطلب هالطلب بكون كملت عليه
لاني متأكدة انهم رح ينحوا من هالمشروع بس ما رح ينطرد والله اعلم ما حدا بعرف
خايفه اكون شريرة بهالطلب
بس جد كتير هو ظلم الشركة و ظلمنا الموظفين معه
انا طلبت يومين لحتى افكر ما بدي احكي كلمة اندم عليها
انصحوني
صراحة شو بدو الواحد يقول؟ على هيك معاملة
ReplyDeleteأصلا هو اتفشل وسمعته مو حلوة...الله يهديه على هيك أخلاق
انا بصراحة بعتذر لاني كتيييييير بخاف أعطي شور أو نصيحة لحدا بخاف اظلم حد..وخبرتي قليلة بالحياة..بس أول شي استخري وادعي ربنا يساعدك على الإختيار الصح
ثاني شي فكري منيح ومن كل الجوانب وشاوري حد بتثقي بخبرته وحكمته وأخلاقه
وشاوري كزا شخص
وبرأي تسألي شيخ كمان مشان ضميرك يرتاح
المشكلة انو وجوده ما أثر فيكي بس بس كمان موظفين تانيين..تأثيره سلبي يعني على مجموعة ناس بس ما بعرف
ولو بتخافي تظلمي المدير ..ممكن توافقي ترجعي بس بشروط قوية تضمن حقك وحق الموظفين أو تمنع المدير من أشياء معينة إذا عندك الصلاحية ...
هاد الي عندي..كنت أتمنى ساعدك أكثر..ادعي واستخيري والله سبحانه وتعالى إن شاء الله رح ييسر لك
بس حاوليتكوني أحسن منو..بأخلاقك وتعاملك بس ترجعي بشروط مشان تضمني حقك
بالتوفيق وخبرينا أول بأول : ) يا حبوبة
:hug: لا تعتذر و لا شي عسوووولة
ReplyDeleteاذا انا صاحبة المشكلة و اللي عشتها بكل مرارتها خايفه اخد قرار و اندم عليها
عشان هيك طلبت منهم يومين افكر و ارجعلهم
بصراحة اصعب شيء انه الواحد ينأذي من شخص كان حاطت كل ثقته فيه و بكنله كل احترام
هذا الشيء اللي دبحني بزيادة و حطمني
هلأ انا اخذت قرار اساسي اني انا ما رح اترك شغلي الجديد لانه الناس اللي فيه محترمين و الشغل طبيعته حلوة و الصراحة مش متقبله نفسيا ارجع اشتغل معهم و بنفس الوقت ما بدي اضرهم فاتفقنا انه ادوام يوم السبت عشان هو اصلا عطلة في شغلي الجديد و امشي مشروعهم و هم وافقوا
بس برضوا لسه ما اعطيتهم الجواب النهائي لاني مش قادرة ارجع اشتغل و هذا الشخص موجود بصراحة قلبي مش مرتاح
على العموم خلييني اتروى هاليومين و بعدين بفرجها الله
و الله يسهلها و يفرجها
شكرا عسوووولة على اهتمامك ^_^ دايما كلامات عسل و كلها فائدة و بتريح القلب
الله يسعدك و يوفقك
Dear Lioness,
ReplyDeleteThese days I do not feel like posting or replying to anything nor anybody. But since you asked for an urgent advice, I decided to post this.
First, as you mentioned earlier, you are most familiar with all circumstances and details. So are the best to give the final decision.
Second, I suggest that you forget all bad (or good) feelings or emotions you have towards this individual. Forget the desire for revenge it wouldn't make you any good. Treat the whole issue in absolute isolation of your feelings towards him. Just consider the whole situation professionally and impartially. Make gain-loss analysis. Judge what you (and the other involved parties but mainly yourself) gain or loose from all the possibilities. Of course you need to consider the possibility that if you go back he will continue treating you badly and of course you need to sort this out if you decide to go back. Remember, if things go wrong, you will take your share of the responsibility and I don't think that this person will hesitate to hold you (or anybody else) responsible to cover his back.
In all cases, pray 'istikharah' for whichever decision you take.
I'm sorry that I do not have the magic answer for your question.
Hi Salah
ReplyDeleteI noticed that you don't replay or post recently :ganawa: all this because i tagged you ^_^ 5alas tobeh last time :D
See i am really sorry for this governmental department, this guy is a consultant from external company, i know and the Gov knew that no one can ever now or before handle this project except one was with the project from the beginning, the ppl in the gov. are so polite and really i want to help them but see even if I do forgive him i cannot be sure he will not try to harmed me, specially know because he feel himself in a weak situation, so i have to be careful.
Anyway i still didn't take any decision i hane to think and pray esti5ara as you said, i want to help the gov. but i don't want to take the risk specially i like my new job.
Thanks Saleh for passing by and you supporting comment ^_^
Allahh yejeeb elli feeh el 5air lal jamee3
الله يكون بعونك ليونيس و ان شالله الك الاجر على صبرك
ReplyDeleteاتاثرت كثير و انا اقرا هالموضوع
كل هاللي عملو فيك و لسة مترددة
هاظ واحد قليل اصل و ما عنده ذمة ولا ضمير و لازم تنكسر عينه ليتعلم
ليونيس هاد قرارك بالاخر بس فكري بالموضوع من ناحية تانية
صح قرارك رح ياثر عليه بس بالمقابل لو سامحتيه رح يتاثرو الموظفين التانيين و منهم انتي .. يعني عدم وجوده احسن
زي ما بقولو بتمسكن ليتمكن و لما تستقر اموره رح يرجع
سووو لو كنت مكانك ما رح ارحمه و بعدين انتي ما شكيتي عليه و لا غلطتي بحقه
المساله عرض و طلب
و الدائرة عرضت عليك تشتغلي معهم و انتي اشترطتي موافقتك بعدم وجوده
و هاد حقك
و اصلاتن يمكن تكون الشغلة خير لاله و يتعلم انو يتصرف باخلاق بالمستقبل
اخخخخخ بس لو كنت مكانك شو عملت فيه
:ag:
معلش سامحيني اذا مش متصور الموضوع مية بالمية
ReplyDeleteالظلم حرام اكيد , واذا مش عشانه هالساقط , عشان اولاده ومرته
اللي بقترحه انا , انه تقعدي انتي واياه
وطرف من الهيئة الحكومية اصحاب الشغل
وتتفقي معها على اجندة واضحة وطريقة تعامل راقية بعيدة عن التهديدات وزت الحكي
لأنه الرزقة مش بايده
ودبيله اكمن كلمة
خليها تكون قرصةذان اله
عشان يتعلم ثاني مرة يبطش بالناس اللي حواليه
بما انهم رجعو يحكو معك
معناته انتي هسه محور المشروع
ومركز القوة اللي همه شايفينها
فا تصرفي معهم بناء على هاي الرؤية
بدون ظلم
وبدون حساسيات
وكوني قد المسؤولية
وربنا يوفقك دنيا وآخرة
لونار
انا اخر انسان ممكن يقدر ينصحك.. لاني بتعلم منك
ReplyDelete:hug:
بس حبيت أحكيلك أديش فرحتلك لما قرأت البوست.. ما شاء الله عليكي.. ربنا ما بنسى حدا ;)
ليونيسسسسسسسسسسسس
ReplyDeleteطمنيييييينا عنك
شو صار معاكي
وشو قررتي تعملي؟
: )
Mohd, Saleh, Lunar, Ramrooom and Spring Blend
ReplyDeleteThanks my friends for you support Allah yes3edek w yerda 3alekom
"ممن يتقى الله يجعل له مخرج"
هاد اللي صار معي
زي ما حكيت فكرة ارجع اشتغل معهم ما كان ابدا خيار, ما رح اغامر مرة تانيه
كانت المساومه اني ارجع اشتغل معهم بس يوم السبت يوم اجازتي و مع ذلك كنت كتير خايف اخد هالقرار
لانه لا يؤتمن جانبهم
ممكن يضروني بشغلي الجديد
فاجاي الحل من عند الله سبحانه
و اذا بتلفون من بابا و ماما و اخيرا وافقوا يجوا يقضوا شهر او اكتر عندي هون
فطبعا صار مجال اني اضحي بيوم اجازة مستحل, أهلي ابدى منهم
سبحان الله هاي نتيجة الدعاء
بالنسبة للشغل
فمدير المشروع غلط
فلازم يتحمل مسؤوليه خطأه
يارب ما تجعلنا من الظالمين المتجبرين بالناس