اليوم انا في وضع قوة كبييييييييييييييرة هذا بنعمة من الله و فضل منه سبحانه و تعالى
الحمدلله الذي اعطاني القوة من حيث لا حول لي و قوة
هلأ عندي خيارين اما
العفو عند المقدرة
او ارد على من اذاني بشغلي القديم بنفس اللي اذاني اياها
لا اكثر و لا اقل نفس الاذيه بحذفيرها
ربي شو اعمل؟؟
طلبت يومين لافكر بالموضوع
كتير محتار ة
أجر العفو عند المقدرة كتيييييييير كبير
بس اللي عمله معي حرقه في قبلي من 6 شهور و هلأ ببكي منه و الله
كل ما اتذكر ببكي و ما بنكر اني دعيت الله ينتقم منه و ينصرني على من ظلمني
هلأ كل امور نصرة الله إلي مُهيئة
بش خايفه ارد الصاع و الله و ضميري ما يرضو عني
و بنفس الوقت خايفه اعفو و اندم
لانه اذا اكرمت اللئيم تمرد
و هو كتييييييييير لئيم
كتير اذاني
يومها من كتير ما اضيقت عملت اول حادث الي في حياتي انا سببه
سيارة صافه خبطها
كل السيارة ما شفتها من كتير ما كنت مضايقة
و معمي على بصري من الهم و النكد
لهلأ من قادرة احكي غير الله ينتقم منه و الله لا يسامحه على عمله فيني
ساعدووووووووني شو اعمل
Edit:
I'll add the detailed story later this night
I'm really disturbed ... :(
صحيح انه العفو عند المقدرة .. لكن انت تنازلت أكثر من مرة لإلهم
ReplyDeleteو انت حكيتيها .. اذا اكرمت اللئيم تمردا .. يعني شو ما عملت هو رح يلف الموضوع عليكي
و الصراحة أنا برأيي انه في ناس لازمها قرصة ذان من شان تتعلم انه الله حق و انه جبروتها و عتهها في له اخر و انه ربنا أكبر منا جميعا
و المشكلة انه ما اذاك انت بس .. اذيته وصلت لناس كتير لا حول لهم و لا قوة .. يمكن هاي تكون فرص لرد اعتبار مش شخصك لحالك .. لناس كثير انظلموا من تحت راسه
فاتوكلي على الله و اعطيه اللي فيه النصيب خليه يتعلم
العفو عند المقدرة
ReplyDeleteلإنك أحسن منه
لا تنزلي حالك لمستواه الواطي
ربنا كبير وموجود
due to my revengeful personality i'll tell u yes do it.
ReplyDeletebut
be fair, if u can hurt him for a valid reason then do it
y3ni ma tetballi 3al zalameh bas etha fe3lan howwe ghele6 then ma ter7ameeh, el 3afow bkoon lal nas elle btestahal
inshalla kol ayyamek tkoon sa3eedeh w yeb3ed 3annek heek nas
Dear Lioness
ReplyDeleteiza raddik ma3 ra7 ya2nnib dameerik o ma yeghdib rabna then go for it....
you can make him feel that you CAN pay him back but you chose not to do it...
شو يعني!
ReplyDelete:معصبن:
هيك طلعتوني أنا الوحيد المسالم بيناتكوا
:حزيط:
يمكن الإنتقام بولد شعور بالقوة والغطرسة
وبنفس كثير من هالغضب المحتقن جواتنا
بس العفو عند المقدرة
وحطي 31 خط تحت عند المقدرة
أحسن
منها بتتركي عقابه لرب العالمين
ومنها بتترفعي عن هالتصرف
:آينشتاين مفصوم:
المهم
يمكن لو أنا محلك ما أقصر فيه
وأنتقم منه شر إنتقام
وأمرمغ بكرامته حاوية الزبالة
بس في النهاية
لو إنتي محلي
شو كنتي راح تحكيلي؟
هذا هو المهم
فكري مليح
وإذا لساتك مصرّة على موضوع الإنتقام
هاي سويتشو قريب عليكي
كلها فركة كعب
وهو من زمان نفسه بـِبان
فلا تخليها بنفسه
وكليه بالمهمة وتوكلي على الله
وإن شاء الله راح يوخذ فيها بان أبدي
:حشاش:
يقطعني شو برغي
مثل صابونة اللوكس إللي بنشتريها من المؤسسة
رغوة بدون نظافة
:مزبهل:
العفــو له قيمــه وشــــيمه وميــــزان
الله هــــداه وغيّــــره عـــن نويــــه
تسألينيش عن بيت هالشعر
لإني مش فاهم منه إشي
أول اشي ينعن عينو الي بيأذي ليونس .. عنجد ليونس انت من أطيب الناس الي شوفتهوم بحياتي و قلبك كتيييييير كبير و انو واحد يتعمد يأذيكي فراح يكون انسان حقييييير و ما بخاف الله
ReplyDeleteأكيد فيه حكمة أنو الله رجعو بطريقك و معاك القوه..
هل دينا بحكي العفو عند المقدرة و الرسول كان فدوتنا بهادا الحكي بس اذا كان في انتقامك درس لهادا اللئم بحيث انو ما يرجع يتحاقر مع حدا تاني متل ما عمل معك فاعمليها و خذي بتارك وبكون درس الو مايرجع يتلئمن مع حد..
أهلين عزيزتي
ReplyDeleteانا برأي صعب نحكم لحد ما تحكيلنا شو صار بالضبط
بس موضوع صعب صراحة...فكري منيح وما تتخذي أي قرار وانتي معصبة او منقهرة لازم تكوني هادية عشان تفكري مزبووط
وادعي ربنا يهديكي لاختيار الطريق الصحيح
انا اجمالا مع العفو بس ما بعرف شو الموقف...
قرار صعب..!!!
ويمكن لو انا بدالك بسأل حد حكيم او بثق برأيه وكمان شيخ موثوق مشان ضميري يرتاح
بالتوفيق حوريتنا : )
المفروض انك تعامليهم بنفس الاسلوب اللي عاملوكي في . ولا تنسي اذا طلعوا من هالمشكلة ورجع وضعهم قوي رح يهاجموكي وما يرحموا المرة الجاية لاسمح الله , انتي بتعرفي اذا قطعتي دابرهم هالمرة بتريحي الشركة من اذاهم .
ReplyDeleteتوكلي على الله واعملي الصح وخليكي محترفة بشغلك بدون مشاعر رحمة لناس ما بتستاهل
Dear Friends :Group Hug:
ReplyDelete^_^
Really thanks alot for your support, really you helped me alot you cooled my heart with your words
Allah bless u all :ROSES: