هلوسات

من زمان ما كتبت شي
و المشكلة مش عارفه عن شو اكتب
هي المواضيع خلصت
و إلا نشف الدماغ
أو زي ما بحكوا
الثورة تولد من رحم الاحزان
يعني انا كانت ثورة الكتابه عندي نابعة من الحزن
و هلأ الحمدلله رح جزء كبير من الحزن
فهديت ثورتي

لأ لأ لأ يا ليونس
انت بس مشغولة بالشغل الجديد و البيت الجديد
و بعد هيك ان شاء الله بتهدي و بتروووئي و بترجعي تكتبي

هو معك حق يا حالي
شغلي الجديد كتير معبي وقتي
دوامي طويل و طبيعة الشغل مختلفه و بدي اثبت حالي
كمان ناس جداد بدي أتأقلم معهم

وعلى فكرة يا حالي
^_^ طلعوا الباكستانيه طيبين و لطفين
بس انت كمان اتدردحي شوي و فوتي فيهم
^_^ بحب ابتسامتهم على الصبح

و ما تغلبي حالك بالبيت
مصيره ينفرش لشو الصربعة
اصلا هيك احلى
بتتسلي بمغامرات كيف تدبري حالك ببيت فاضي

على فكره يا حالي
ضلك اشكري الله على بيتك الجديد
اللي الله عوضك اياها بدل القديم
اعطاك لارضاك زي ما وعد
"ولسوف يعطيك ربك فترضى"
كنتي مضايقه من البيت القديم انه كان مكتوم
و ما كانت الشمس تفوته
هلأ اعطاكِ ربك بيت منور و مفرفح و بشرح القلب
و كمان على مدى عينك البحر
تتصبحي و تتمسي عليه
ياما انت كريم يا رب
^_^

و اللهِ هاد من الاستغفار
استغفروا الله يا أصحابي
الله كريم الله كريم