جاري بالمكتب من الناحية الشمال بالشغل شاب عربي ... الحمد لله كتير مأدب و محترم و هادي
صحيح مرات بس يحكي او يمزح بدج دج ... بس دينه و أدبه و أحترامه بشفعوله
عنده ما شاء الله الله يحمي و بارك فيه ولد عمر 3 سنين و نص اسمه
يامن
كتير مرات بسمعه بحكي معه على التلفون مع ان الشاب كتير صوته واطي بس إلا مرات بسمعه و هو عم بمزاح الصغير ... فبحس بالكم الهائل من الحب و الاهتمام اللي بحمله لإبنه
في يوما ما انفتح حديث بينا و صار يحكي لي عن ابنه و فرجاني صوره
ما شاء الله تبارك الله ... الله يحميه
من يومين ما داوم الشاب عشان مرته بتولد
يعني طفله الثاني
اليوم بس شفته بباركله
ألف ألف مبروووك يتربي بعزكم
شو كتكوت و إلا كتكوته
كتكوت
ما شاء الله ما شاء الله ... الله يبارك فيه
شو سمتوه
ما تغبنا بإسمه سميناه على اسم الوالد عشان انا الابن الكبير
فالعاده عنا الابن الكبير بسمي ابنه الاول على اسم ابوه
هون ليونس ضربت لخمة
ليونس ما حكيت ولا كلمه
بس عيونها سألوا ميه سؤال
ضحك و حكى و يا ريته ما حكي
حكى
هاد ابني الاول التاني
و ليونس انكتمت و لا نفس و لا كلمة
و صار يضحك على منظري و انا بدون تعليق
بعدها حكى
يامن
أبن أخي
بس انولد يامن راح اخي يعمل عمرة
و بطريق رجعته عمل حادث و توفي
يامن
كان عمره اشهر
فأنا تزوجت مرت أخي و يامن ابني و أعز من إبني
بحكيها من كل قلبه
كان نفسي ابكي
يا الله
شو كبر في عيني
مش عارفه كيف اوصف شعوري
بس حسيت لسه الدنيا بخير
حسيت فعلا الدم ما بصير ميه
تذكر الحديث الكريم
قال رسول الله صلى الله عليه وسلم
( أنا وكافل اليتيم في الجنة هكذا وأشار بالسبابة والوسطى وفرج بينهما )
و غبطه على الاجر اللي بياخده
من كل قلبي صرت ادعيله
الله يحنن قلبه بزياده على هالطفل
و يرزقه و يفتحها عليه بحسنه هاليتيم و الارمله اللي كان ممكن يضيعوا و يتعتروا لو هو ما عمل هيك
بحكم ما بنشوف بعادتنا المعقده كتير صعب هالشي يصير
ممكن يصرفوا و يكفلوا الولد ماديا
بس مو يحتضنوه و يعوضوه حنان الاب
الله يحميها هالعائلة و يبارك فيها
و يرزقها و يهنيها ويبعد عنها كل شر
thats real nice :)
ReplyDeleteبجد لسه الدنيا بخير,,
ReplyDeleteطيب قولوا أميييييين
ReplyDelete^_^
الله يسعد هالعايله و يسعدكم كمان
^_^
يا الله ...قشعر بدني
ReplyDeleteعن جد لسة الدنيا بخير وفيها ناس سكرة وبتّقللوا بالذهب...
الله يعطيه على قد نيته ويفتحله سبل الخير والسعادة...
شكرا يا حلو على مشاركتنا هالقصص اللزيزة متلك :)
الله يجزي أبو/عم يامن كل خير و يسعدهم كلهم و يعطيهم من فضله... آمين.
ReplyDeleteو تعليق سريع: "إن خليت بليت" و الخير دايماً موجود.
ما شاء الله شو هالعيلة
ReplyDeleteشاب بستشهد هوي راجع من العمرة
بقوم اخوه بستر ع عيلته
و كمان بستر عليه ماديا و عاطفيا
جد الله يجزيه الخير عوقفته هاي
ع فكرة
اسلوبك حلو بالقصص و كان الو دور باظهار تضحيته للشب
مع انها واضحة كمان :DD
ومتل مابقولو ان خليت بليت
يسلمو ليو عالقصة الحلوة
:)
LoLiTta :hug:
ReplyDeleteاه و الله شي بقشعرالبدن
لسه لو شفيتي طريقه حكيه للموضوع بتصير رح تبكي من الاحترام و العطف اللي بكنه لاخوه و مرته و ابنه
الله يسعد الجميع
:hug:
اشتقنالك يا عسوووله
^_^
صالح
ReplyDeleteو يجزيك يارب الخير ^_^
جد ان خليت بليت
^_^
سوتشو
جد ما شاء الله على هيك عيلة
^_^
والله يا سوتشو مع هالشغل بطل فيني حيل ازبط الحكي ... بس شكرا رفعت معنوياتي انه عجبك الاسلوب
بس جد زي ما صار
زي ما انا كتبت
صاحبي بشتغل في البحرين
ReplyDeleteمن فترة أجاه مولوده الأول
وسماه يامن
الله يسعدهم
بس ما حكيتيلنا
شو إسم إبنه الجديد؟
ya allah ...3njad inno ra2e3...w mni7 inni b3iiideh :) 5el2et allah ana besammoni em dam3a!!!! :)
ReplyDeletewallahi w ana kaman mshta2tellek wayed wayed...w kan 3andi amal bshoghlek had nshofek l2ennek btkazderi l3anna bs now :( i think its impossible to catch u around :(
take care 3asooleh w wish alllllllll the best ..