التربية العدائية

هاد حوار صغير كان داير بين بنات كانوا عم يحكوا عن موضوع الزواج و الرجال بصورة عام

انا بعرف وحدة متزوجة كان تدرس و ترجع تشتغل بالبيت و عندها بيبي كان زوجها يرجع من الشغل ال شووووووو تعبان و بصير يطلب منها كاسة الميه انا اذا تزوجت ما احلاني و انا راده عليه يقوم يخدمه حاله نقصه ايد و الا رجل

بس انتهى الحديث الحاد جدا سالتها طيب اذا ابوكي طلب كاسة الميه بتجيبيله

كان الرد و بحد كمان اه طبعا هاد ابوي

سألته شو يعني ابوكي و اشمعنا ابوكي بيتجبيله

ردت اول شي ابوي كبير تاني شي بر الوالدين ثالث شي هاد ابوي

كان جوابي بسيط

اول شي زوجك ان شاء الله بس تتزوجي 99.9 % رح يكون اكبر منك

تاني شي زوجك الرسول الكريم حكي
( لو أمرت أحداً أن يسجد لأحد لأمرت المرأة أن تسجد لزوجها )

و ثالثا شي زي ما حكيتي هاد ابوي ليش ما تحكي هاد زوجي

زي ما بتحترمي ابوكي ليش ما تحترمي زوجك

ابوك رباكي و تعب عليك و زوجك رح يعطيكي السكينة و الراحة النفسيه

زوجك رح تعيشي معه العمر

ليش من هلأ بتفكري بالعداء و الطوش و العناد

وين الرحمة و المودة اللي ربنا امرنا فيها

كتير من الامهات للأسف بتربي بناتها على هالتربية العدائية

من ساعة ما توعي البنت و بتبلش فيها مش زوجك يصير يتأمر عليك

مش تردي عليه بكل شي خليكي قويه و مشّي اللي براسك يامّا

وهالحكي كمان بنطبق على الشباب

امه بتبلش فيه مش تحكمك مرتك مش تكون دلدول إلها

اصحك عينك تدللها خليك زلمه يامّا و قدّ حالك

ليش هالعداء في التربية

ليش ما يصير الحكي

يامّا زوجك طيعيه طاعته من رضي الله

يامّا احترمي زوجك بحترمك

و كمان للشب

يامّا الرسول امر بالرفق بالنساء حنّ على مرتك

الرسول كان يخدم اهله بيته خليه قدوة إلك

ياريت العالم توعي ان الزواج حب الزواج احترام الزواج مودة

مش حرب من ينتصر فيها و من كلمته تمشي على التاني

في قول كتير انا بحب للزواج السعيد

"كوني له أمة يكون لك عبدا"

فضفوضة