كتير بنسمع فتاوي عن تحريم سماع الاغاني , طبعا في شيوخ بجزموا بحرمتها قطعيا و في شيوخ بس بعتبروها من المكروهات , يعني في خلاف على هالموضوع
هلأ انا من مبدأ اجتنبوا الظن بحاول ما اسمع أغاني , بسمع قرأن و أناشيد و دروس دين و بكون جدا مبسوطة و نفسيا مطمئنه بالعبادات و راضيه بكل شي من الله بهالدنيا
فجأة بعد كم شهر ببلش بس اسمع قرأن أبكي - يا ريت من خشيه الله , ببكي من الاكتئاب و الضيق - بُكى مش عادي بُكى هستيري , بحس ان القرأن سبب تعاستي و حزني و بحس بصخرة بتضيق علُى النفس , و بتم على هالحاله لحتى احود على اذاعة فيها اغاني
بمجرد اني اسمع اول اغنيه الصخرة اللي كنت احس فيها بتروح و بحس بسعادة كبيرة , و ان الدنيا حلوة و انا اللي كتير معقده و مصعبه الحياة على حالي
يوم يومين و الثالث بالزبط ببلش الضمير يشتغل - طب ما هاي دنيا فانيه شو نايلك منها الاخرة احسنلك و ابقى و من هالحكي - و بضل يشتغل الضمير لحتى ارجع ابكي البُكى الهستيري و ارجع احس بالصخرة مرة تانيه
وبمجرد ما ارجع اسمع القرأن بتروح الصخرة و بترجع راحة النفس و الطمئنيه , بس كمًن شهر زمان و ببلش ينعاد نفس السيناريو من جديد
هلأ مش هاد هو اللي اسمه الانفصام
انا هلأ في حاله تأنيب الضمير , يوم يومين بالكتير و ببلش ابكى و برجع للقرأن ان شاء الله
للعلم فقط إالى على هللحاله سنيييين
صباح الخير حورية
ReplyDeleteهذا مش إنفصام
هذا هو الإنسان
موضوع الأغاني ما بدي أجادل فيه
بس أنا بسمع أغاني وموسيقى لحد الثمالة
وإن الله جميل يحب الجمال
سلام عليكم
ReplyDeleteأهلين
شوفي انا كمان عم حاول ما اسمع اغاني خاصة انو كتير اغاني بتجي مع رقص وما بعرف شو وكلمات مش مناسبة وكمان لاني لاحظت بتلهيني عن عبادتي وبتخليني افكرباشياء ما الها كتير قيمة يعني دنيوية
المهم انتي حاولي قد ما تقدري أنا بحس أحيانا لما إيماني بقوى شوي الشيطان بحاول يضعفني ويمكن هي هي حالتك انتي كمان الله أعلم
انتي جاهدي وحاولي قد ما تقدري
مو شرط كلو تسمعي قرآان ممكن تقري لانو قراية القرأن الكريم الها حلاوة كمان واختاري السور الي بتحبيها او حاولي تختمي يعني من البداية تقري
صحيح أحيانا همتنا بتضعف بس الواحد بحاول..انا كتير بحس بتأنيب الضمير هل الأيام لاني حاسة مقصرة تجاه ديني بس هل الأحساس نفسه وتأنيب ضميرك دليل انو قلبك حي ^___^ والله يثبتك ويثبتنا أجمعين على دين الحق ويهدينا إلى الصراط المستقيم
ما بعرف سبب ضيقك بس بتعرفي شو
أنا لاحظت أحيانا مثلا لما ببدأ شي جديد مثلا خلينا نقول ببدأ اصلي السنن وانا مش متعودة اصلي قبل مثلا يعني
بالبداية بكون شعور حلو انو عم تعملي شي جديد بس صعب لان مو متعودة وهل الصعوبة رح اتضل لفترة
وصدقيني انا جربت بعد هل الفترة لما ما بتصيري تصلي السنن بتحسي بتأنيب الضمير وبتحسي شي ناقص لان خلاص صار عبادة واشي جميل اتعودتي عليه
حاولي تسمعي محاضرات عن التفكير بإيجابية
أنا بحب أسلوب ادلكتور صلاح صالح الراشد
وعندو كتاب نصحتني فيه صديقتي بس ما قريتو كتير لسة بالبداية بس عجبني
اسمه " كيف تخطط لحياتك؟
وشي تاني ممكن يساعد انو يبعد عنك الضيق
حطي اهداف لحياتك
قصيرة الامد وطويلة الامد
يعني القصيرة مثلا انو بكرة تقري صفحة من القران أو تتصدقي أو تقري كتاب عن اي موضوع بتحبيه او تتصلي بصديقة قديمة وتفرحيها وهيك
الطويلة يعني مثلا بعد سنة تكوني ختمتي القرأن او صمتي كذا يوم او شاركت في مسابقة او دورة
انا بحس لما الإنسان بحط أهداف وبحاول يوصللها ..هل الشي بيعطي شعور حلو بالإنجاز
طبعا الكلام سهل وانا بقولك ولسة بعاني من الاهداف ^_^ لأان التطبيق أصعب بس كتابة الاهداف مش بس تحكي فيمخك لا اكتبيها رح تساعدك كتير صدقيني
والله يعينك ويعيني ويعيننا اجمعين على اتباع أوامره والبعد عن ما نهانا عنه ويرزقنا السعادة وقوة الإيمان والصحة والعافية وحسن الخاتمة ورضاه ورضا الوالدين في طاعته والفردوس الأعلى من الجنة اللهم آميييييين ورفعة المقام في الدنيا والآخرة عنده اللهم آمييين
آسفة طولت عليكي وعملتلك محاضرة طوييلة ^_^
نشوفك على خير : )
وهل الطريقة كما بتساعدني اني انبسط واشكر ربي عز وجل على نعمه
اني اشوف الناس الي اقل مني إيمانا او رزقا او علما او جمالا او عندهم مشاكل وعندهم فقر وقلة حكمة او يتامى او مشاكل كبيرة فأحس اني بنعمة كبيرة والحمد الله
Spring Blend
Be HapPpPPyY Dear : )
لن ازيد على ما قالت
ReplyDeleteSpring Blend
صباح الخير اسدة
ReplyDeleteملاحظة رح اضل اناديك اسدة حتى لو غيرتي النك نيم خخخخخخخخخخ
نرجع للموضوع, اولا ما بصير تسمعي القران و لتطربي عصوته, لازم تنصتي و تفهمي شو بنقرا مشان هيك لما تشغلي قران لازم تكوني منصتة و متفرغة لالو و الاحسن يكون الشخص قاريء التفسير قبل ما يسمع السورة
بخصوص الاغاني .. بقناعتي انها حرام .. بحاول ابعد عنها بس مشكلة الكمبيوترجية بضلهم يتعلمو كل سيستم جديد ف بضل الواحد يدرس و انا ما بعرف ادرس بدون ما يكون حوالي دوشة بس ببعد عن الاغاني العربية و بسمع اجنبي عالاقل ما بركز بالكلمات و الله يغفر النا
بنصحك تسمعي اناشيد , لو اتدوري بالنت بتلاقي اشياء حلوة و اسمعي مني هالكلمة
خلي الهدف من العبادة هوي الاجر بالاخرة و شكر الله و ما تتعجلي الثواب بالدنيا .. و صدقيني الدنيا كلها مو مستاهلة دمعة تنزل من عين مؤمن
و الله يوفقنا و يهدينا جميعا
سفو
ReplyDeleteهو بجوز مش انفصام بس تخبط بالافكار و الاعتقادات
هلأ انا كمان ما بدي افوت بفتوى الاغاني ... بس جد الفترة اللي برجع اسمع فيها اغاني بحس حالي بنسى ذكر الله
يعني مثلا في وقت فراغي بدل ما استغفر الله بصير ادندن الاغاني اللي كنت اسمعها بجوز ما اخذت اثم بس بنفس الوقت ما كسبت حسنات
اظن انسب شيء الاعتدال ما نعقدها كتير بس برضوا نحسب حساب الاخرة, الله يهدينا جميعا لما فيه خيرنا في الدنيا و الاخرة
:give:
Spring Blend :hug:
ReplyDeleteزمان عن كلامك الرائع اشتقتلك كتير
دايما بترفعِ المعنويات و كمان بتعطي حلول و افكار لحتى الواحد يعرف يختار الطريق الصح
الحمد لله انا بحاول اختم القرأن يعني لازم في الاسبوع اقرأ شي من كتاب الله, و الحمدلله الشي اللي عم بنبسط فيه من حالي اني صرت و انا اقرأ اركز و احاول افهم الايات و اربطها بالحياة الواقعيه
بس انا مشكلتي جد بالوقت اللي بقضيه بالسيارة(زحمة الشارقه دبي و ما ادرك ما الزحمة :عيوط:) بس باقي النهار الحمدلله بحاول ما اسمع و بحاول اعمل اشياء مفيدة
بالنسبه للاهداف بحاول ما افكر فيها كتير بكتئب بحاول افكر يوم بيوم بحس هيك اريح و اهدى للبال
شكرا حبيبتي على كلامك الحلو و الله يتقبل دعائك و طاعاتك
الله يحميكي و يسعدك
Lunar
ReplyDeleteشايف ما شاء الله عليها
الله يحميها و يحميك
و يسعدها و يسعدك
:give: شكرا لمرورك
محمد
ReplyDeleteناديني زي ما بدك ^_^ اصلا انا بحياتي الحقيقة جد كل حدا بناديني باسم مختلف شي اله علاقه باسمي و شي ما اله اي علاقه بعرفش من وين جايبينه ×_O
بسمع اناشيد و عندي مجموعه مش بطاله بحطهم بالشغل لما بدي اركز بالشغل او اكون مش طايئه اسمع حدا :D
بس زي ما حكيت ل
spring rain
انا مشكلتي بالسيارة :عيوط: الله يقطع الزحمة في الساعه اللي بقضيها بالسيارة كل الافكار العاطله بتجي في بالي كأنه الشيطان بكون قاعد جنبي :(
و بعدين انا شطورة بقرأ تفسير القرأن ^_^
الله يوفقنا اجمعين لما يحبه و يرضاه
:give:
اذا المشكلة من الازمة مش بسماع القران او الاغاني ... يابييييييييييي شو بكره الشارقة و الازمة تبعتها
ReplyDeleteالله يبعدنا
و الله يهونها عليك
^__^
عندي فكرة منشان الأزمة.. طبعا فكرة مسروقة سمعتها على الراديو
ReplyDelete:p
راجعي السور اللي حفظتيها و انتي بالزحمة.. شغلي القرآن على السور اللي حفظتيها و صيري اقرأي مع الشيخ.. هيك بتأكدي الحفظ و بتحسن تجويد القرآن عندك
ممم شو كمان..
لما اتزكر كمان برجعلك.. بعرف حالي طلعت عن الموضوع.. بس ما شاء الله ما قصروا بالردود :)
الله يوفقك و يقويكي و يهدينا جميعا
محمد مش كتير مشكله زحمة
ReplyDeleteبس انه بالسيارة بتكون الخيارات لتمضيت الوقت قليله اما قرأن او أغاني ما في ابشن ثالث مثل لو كنت بالبيت
و المشكله العويصه ليشو بالاخر بوصل لشعور الضيق من سماع القرأن :(
الله يبعدك عن الزحمة
بس انا تعودت عليها و صرنا اصحاب ^_^
RamroOoM :hug: miss u ya za3ra ^_^
ReplyDeleteو الله بحاول اعمل هيك و كمان حاطة كتاب ادعيه بالسيارة ^_^ بتعرف من الزحمة بصير عادي لو الواحد قرأت بالسيارة ما مرات السيارات ما بتتحرك لربع ساعة ×_O
بعدين تعي لهون شو يعني عم يتأنبيلي ضميري عشان كسلت عن الحفظ
:3ayoot:
هي مشكلتي ضيق الصدر اللي بصير معي من فترة لفترة
الله يبعدوا عنك و عني و عن الجميع يارب