اختنا الرطوبة

اليوم 23 ابريل 2019 وصلت اختنا الرطوبة واللي بالعادة بتستضيف عندنا حوالى 8 أشهر 😱

اختنا الرطوبة  دمها ثقيل جدا بتحب تلزق بالناس وتخليهم زي الحلزونة ملزقين😓🐌

وطبعا هالشي بخليها الملابس كما تلزق بالجسم وتقرفك عيشتك😫

ومن طبيعتها اللطيفة انها بتخلي الوجه دايما مزيت ويلمع زي كأنه الواحد مش مستحمى من شهر 😖 حتى لو استحم 10 مرات في اليوم 😪

وكمان بتخرب الملابس من كتر الغسيل

لانه لازم كل لبسة تنلبس مره وحده فقط وبعدين على الغسالة على طول وإلا عطرها رح يكون فواح 😭

ونصيحة خلال فترة إقامتها اللطيفة ننسى موضوع الأناقة 👧

هي بس أخف وأرق ملابس قطنية اللي ممكن تتلبس

وبحب بهالمناسبة الجميلة أشكر كل من مخترعي

1) المكيف

2) الغسالة

3) مزيل العرق والمعطرات بصورة عامة

4) السيارة

5) الدش

6) الإيس كريم

7) صنبور المياه

😊

وبحكي لأختنا الرطوبة حاولي تكوني خفيف دم السنة دي 

على رأي المثل

يابخت من زار وخفف😅

هوايات عجيبة

بدأت الهواية معي من كم سنة، لما مره عجبتني عبارة مكتوبة على مغناطيس للثلاجة، فصرت اجمع كل ما بعجبني من اقوال و عبارات على المغناطيسات، و لكن هلأ تحولت الهواية الى جمع المغناطيسات بشكل عام و من كل مكان بروحو و لكل شي بصير معي،  فصار لكل ذكرى مغناطيس، و لكل مغناطيس قصة و مغامرة :) 

هههه صار هدفي ادخل غينس في عدد المغناطيسات :) أحلام وردية ^_^

بس بعدين اكتشفت انه هوايتي اخف و ارحم من هوايه زوجي الجديدة و هي جمع الانتيك خصوصاً بعد ما اشترى هالمكوي العجيبة 

O_O 

جد انصعقت من  منظرها! و عليها طن غبرة مش عارفة انظفها و الا اتركها بالغبرة احسن! خايفة انظفها يطلعي مارد المكواي ههههه ^_^

^_^

(( سبحانك اللهم وبحمدك اشهد ان لا اله الا انت استغفرك واتوب اليك ))

2012

باي باي 2012 و حأكسر وراكي محل جرار مش بس جرة :)

على الرغم  من انها كانت سنة مليانه فعليات و نشاطات و سفرات بس بنفس الوقت ما حبيتها و حسيتها ثقيل جداً على قلبي و مش مريحة 

سنة 2012 بدي اسميها سنة السفرات

• بشهر واحد سافرت اسبوع على الأردن-عمان: كالعادة سفرة عمان دايما بتنتهي بنهايات غير سعيدة :)
• بشهر ثلاث سافرنا عطلة الاسبوع على قطر : تعرفت على ناس جداد و كانت كتير تجربة حلوة.
• بشهر اربعة (اخر اربعة و اول خمسة) سافرنا على تركيا : سفرة من العمر :) طبيعة بتجنن و جو رائع و الاهم أكل زاكي و زكريات حلوة. :)
• بشهر تسعة سافرنا على الصين : تنذكر و ماتنعاد ×_× مش طبيعي شو كرهت هالبلد. بس الصراحة الشوبنج هناك رهيب D:
• بشهر عشرة اجازة عمان التانية : و لايزال مسلسل النهايات الغير سعيدة مستمر  D: مش عارفه ايمتى رح يتغير الوضع مع عمان :) هو الغلط مني الغلط من عمان و الله ما انا عارفه ×_×

على الصعيد المهني

• سكرنا مشروعين مش كتير كبار بس بنفس الوقت مشاريع مهمة و حساسه و عليها عدد كبير من المعاملات و الحمدلله بوقت ممكن اعتبره قياسي و بأضرار قليلة :) بس لازم طبعا مع المشاريع يكون في مصائب و كوارث :) بس الحمدلله عدت على خير :)
• ودعنا مدير و اجنا مدير جديد نقيض المدير السابق  بكل شي (للأحسن للأسوأ و الله بطل الواحد يعرف يميز هالايام) بس اللي بعرفه ان صار لازمنا نتأقلم من الوضع الجديد :)
• ضغط الشغل كان كتير هاي السنة و خصوصاً فترة تغيير المدير بشهر عشرة بس هلأ الوضع صار اخف و تنظم الشغل اكثر (مديرنا الجديد عنده مبدأ التملص من الاشغال ^_^ فبحرص على تحويل الشغل دايما للادارات الاخري فخف الشغل علينا لوووول ^_^ )

على الصعيد الصحي

• الحمدلله 2012 تابعت سلسة امراض الرشح و الانفلونزا اللي بلشتها سنة 2011 و زادت عليها لوصلنا لالتهابات الجيوب الحادة و لكن الحمدلله بعد 14 يوم من المضاد الحيوي تحسن الوضع و اظن ما ضل فيروس قادر على العيش في الجسم :) و الحمدلله بعدها تحسن الوضع كتير :)
• وقعت علي رجلي و اجاني شد عضلي اسبوع مو قادرة احرك رجلي من الوجع :( بس الحلو بالموضوع الاجازة المرضية :)

على صعيد الفسح و الفعاليات

• طلعت على برج خليفة اعلى برج بالعالم :) على الطابق 124 وااااااااو المنظر رهييييب :)
• رحت على عالم فيراااااااارررررررررررري ^_^
• شاركت في مسيرة عيد الاتحاد لوووول تحشيش الوضوع بس اتكسرت من المشي ساعتين ×_×
• رحت الفجيرة للمرة الاولي بحياتي و اكلنا بمطعم اقل ما يقال فيه زباله امنيح اللي ضلينا عايشيين بعديها ×_×
• رحت سوق نايف لوووووووول السوق الشعبي في دبي رهيب كله زقق و زنقات :)
• رحت القرية العالمية ثلاث مرات ×_× مش معقول شو هالهنا اللي انا فيه :)

الحمدلله سنة منيحة نوعا ما بس برضو دمها ثقيل :(

ان شاء الله سنة 2013 تكون سنة حلوة و خفيفة على الجميع و تكون سنة خير للجميع :)

سبحان الله بعد ما كتبت اللي فوق حسيت شو اني جاحده لنعمة الله كل هالنعم و بحكي عنها سنة دمها ثقيل :(

يارب لا تؤاخدنا بذنوبنا يارب و لا تؤاخذنا بجهلنا و تقصيرنا يارب العالمين 

اللهم ما اصبح بي او امسي بي من نعمة فمنك وحدك لا شريك لك فلك الحمد حمدا كثيرا حتى ترضي و لك الحمد اذا رضيت و لك الحمد بعد الرضي حمداً طيباُ مباركاُ فيه ملء السموات و الأرض و ملء ما بينهما.

هدية لإم عمر :)

Brownie Cake :)

امبارح كنت زهقانة ... فعملت هالكيكة و تذكرتك 

شو كانت زاكيه مع فانيلا ايس كريم

من هنا و هناك ... من مطبخي (2) :D

كأنه أنا صاحيه جوعانة اليوم :D

من الجوع صرت اقلب صور اكلات و لاقيت هدول ايام العز ايام ما كنت متحمسه على الطبيخ :) فقلت خليني احتفظ فيهم بمدونتى كدليل انه في يوم من الايام كنت اعرف اطبخ :D

أطباق رئيسية

كسكسي ليبي :D

حلويات

تراميسو فراولة

كيكة الجلي

مانجا تشيز كيك

Monkey Bread :D

Again from my kitchen

First Time Pizza :)

من هنا و هناك ... من مطبخي :D

طبعاً واضح من قائمة المدونات اللي عم اتابعها الاهتمامات الجديدة اللى طرئت ليونس خانم ×_× و هاي بعض ابداعاتي لاغراض التوثيق و تحميل الجميله لاحقاً اذا صار في اي اتهمات بعدم الاهتمام بقلب الزوج ×_× قصدي معدته :D
طبعاً انا حاطه الشي اللي زبط معي بس المستخبي اعظم :D

أطباق رئيسية

اوزي - دجاج محشي خضار مع ملوخيه ورق + كانيلوني + مجدرة

 

تشكيلة معجنات

جبنة مع حبة البركة + لبنة مع زيتون + زعتر + سجق + خلية النحل

 

حلويات

كيكة الموز + كيكة النسكافيه مع الكروكان + جريمة اخر يوم رمضان قطايف حجم عائلي

Something I love in my new house :)

My Husband is fan about Palestinian traditions so he has lot of  paintings and pictures to Palestine but really I loved this one the most, even I hate to put pictures for people but this one couldn't resist :)

In general I like the whole wall in our living room all the paining in this room for Palestine

يوم الجمعة القادم يوم ميلادي

هالسنة ان شاء الله ما رح يكون يوم ميلادي يوم عادي و ما رح تكون هديتي هديه عادية

هالسنه عيد ميلادي رح يكون في أطهر بقاع الأرض في مكه المكرمه عند بيت الله الحرام و هديه هي العمره

و هاي احلى و اغلى هديه أخدتها بحياتي كلها

الله يجزيك الخير يا أغلى الناس

Macca wait for us we are coming next Thursday insha'allah :)

هلوسات

إحساس العجز ... ! كلمة عابرة ممكن تضل تدور و تدور في مخ الانسان أيام و ليال و خصوصا اذا كانت من شخص قريب و عزيز على القلب و اذا كانت الكلمة نابعة من القلب بإحساس كله ألم و ضعف و قهر. و إنت زي العاجز تلقيت الكلمة بس مو قادر تعمل شيء لحتى تساعده غير الدعاء

و ما في اعظم من وسيلة الدعاء للغير بس اذا كان الدعاء بقلب صافِ و ايمان قوي

(وَقَالَ رَبُّكُمُ ادْعُونِي أَسْتَجِبْ لَكُمْ)
*~*~*~*~*

الفرح الخجول ... ! المثل بحكي أن الحياه يوم ابيض و يوم اسود بس الواقع الملموس بحكي ان الحياه يوم أبيض و عشرة أسود و الدليل أن المصايب لما تيجي بتيجي كلها مع بعض و بتخلي الانسان مو قادر يرفع راسه من حملها الثقيل، و بالمقابل لما يجي الفرح بيجي زي المستحي اللي خايف حدا يشوفه و بيجي إمّا بالقطّارة أو بيجي ناقص أو بيجي و معاه غصه لحتى ما يهني صاحبه بفسحة الأمل و بضل يذكر صاحبه ان الحياة كلها تعب و شقي فما يحاول يفرح كتير

(وَمَا الْحَيَاةُ الدُّنْيَا إِلاَّ لَعِبٌ وَلَهْوٌ)
*~*~*~*~*

المهمة الصعبة ... ! انك تحكي لحد إنك من المفسدين في الأرض في وقت بحس حاله في قمة المصلحين

(وَإِذَا قِيلَ لَهُمْ لاَ تُفْسِدُواْ فِي الأَرْضِ قَالُواْ إِنَّمَا نَحْنُ مُصْلِحُونَ * أَلا إِنَّهُمْ هُمُ الْمُفْسِدُونَ وَلَـكِن لاَّ يَشْعُرُونَ )
*~*~*~*~*

هلوسات يوم الأمس المُتعب

عوالم مختلفة

من التجارب الجديدة اللي عم امرّ فيها هي العلاقات الاجتماعية و التعارف العائلي على ناس جداد. و بحكم طبيعة دولة الامارات و اللي بتجمع فيها ناس من جنسيات و ثقافات مختلفة، كان التعارف نفس الشيء على ناس مختلفة من جميع المعايير

 ناس بترتاح معهم و بتحب جلستهم وبتحس انك منهم و ما بتحس بغربة المكان معهم أبداً و بتمر الساعات و انت مبسوط و الكلام و المزح ما بخلص معهم. و ناس مشاعرك بتكون حياد معهم يعني حلو معرفتهم بس بتفضل ان تبقى العلاقة معهم رسميه وهالشي ابداً مو انتقاص في محبتهم و احترامهم بس تحديد العلاقة معهم افضل. و في ناس ما بتنحب من أول نظرة من أول كلمة ناس بتحس انهم من عالم تاني عالم غير عن عالمك و عالم ما بتحب تختلط فيه من أصله لانه عالم مش حلو، عالم معهم بتخلص كل المواضيع و بتضيع الكلامات و الدقيقة بتصير برفقتهم ساعة و بتتمنى و انت معهم ان هالتعارف ما صار من أصله

جد الدنيا غريبة و مليانه العجب، مليان طيبة و حب و احترام و تواضع و ايمان و بنفس الوقت مليانه فسوق و غرور و نفاق و كذب و كفر. بس المهم الواحد يعرف كيف يختار أصحابه لانه على رأي المثل الصاحب ساحب

و قول الرسول الكريم

 (المرء على دينه خليله فلينظر أحدكم من يخالل)

فضفضة من واقع الحياة