مش عارفه لامتى الهبل رح يضل معشش في بعض ناس
مش معقول شو انه في ناس ما بتفهم و لا بتحاول تفهم و لا تستفهم
يعني صحيح الرصاصة انضربت في الهواء بس اكيد ما رح تخترق الغلاف الجوي يعني اكيد مصيرها رح تنزل بفعل الجاذبية الارضيه و اذا نزلت على شخص اكيد رح تقتله او اقلها تصيبه بعاهة
مش حاسه هالمعلومة صعبه لتنفهم؟؟؟
غير هيك لسه قصة الطفلة جود ما اتنست و لسه حادثتها ما مر عليه أشهر و كل هالضجه اللي صارت عنها و لسه في ناس ما اتعلمت
و الله عيب ... و ما رح يتعلموا هدول الناس غير لما شي رصاصة تصيب حدا عزيز عليهم ساعتها ممكن هالشيء اللي موجود في راسهم يشتعل و يفهم و غير هيك لا حياة لمن تنادي
حسبي الله و نعم و الوكيل
المصدر: عمان ــ يو.بي.آيالتاريخ: 31 يوليو 2011 أصيب أربعة أردنيين، أمس، برصاص مرتد جراء إطلاق أعيرة نارية من محتفلين بالنجاح في امتحانات الثانوية العامة التي أعلنت صباح أمس.
ووقعت الإصابات في أربع مناطق مختلفة في الأردن، كما تم تسجيل 200 مخالفة بحق مركبات المحتفلين في العاصمة عمان.
وقال الناطق الإعلامي بمديرية الأمن العام المقدم محمد الخطيب، في تصريح صحافي إن فتى يبلغ من العمر 13 عاماً أصيب برصاصة طائشة في لواء ناعور (جنوب غرب عمان)، أثناء احتفال البعض بالنجاح في التوجيهي، وتم نقله إلى أقرب مستشفى، ووضعه الصحي حرج. وأضاف أن الإصابة الأخرى سجلت في منطقة الجويدة (جنوب عمان)، لفتى يبلغ من العمر 11 عاماً. بينما سجلت الإصابة الثالثة في مدينة إربد (شمال)، لشاب يبلغ من العمر 31 عاماً. وفي مأدبا أصيب طفل يبلغ من العمر ثلاثة أعوام برصاص طائش صادر عن محتفلين في التوجيهي. وسجلت إدارة السير المركزية، منذ إعلان نتائج التوجيهي صباح، أمس، في العاصمة عمان وحدها 200 مخالفة بحق سيارات المحتفلين بالنجاح.
