اسبوع من العمر

اسبوع في روبوع اسطنبول  - تركيا

رح ابدأ الموضوع بصحن مشاوي مشكل على كيف كيفكم في اول ساعات وصونا لتركيا 

تفضلوا امانة ما تستحوا ^_^

اسطنبول من اجمل المدن اللي زرتها واللي بميزها كترة المساجد العريقة و هندستها الجميلة
وين ما تلف وجهك بتشوف مأذنة جامع والغريب ان كلها مأذن مدببة بتصميمها، مدينة بتحس فيها بالعراقة و بالقوة و الحضارة اللي خسرنها بأسباب الله اعلم فيها


مسجد السلطان احمد و المعروف باسم المسجد الأزرق



ايه صوفيا

مدخل قصر توب كابي

عملوا زي عرض على المدخل :) و جابوا زي الجيش العثماني زمان و مثلوا عملية تسليم الراية

كتير حلو كان ^_^

من داخل احدى الغرف كل الحيطان سراميك مزخرفة بزخارف اسلامية

المنظر من احدي شرف القصر

ما كنت بدي اطلع من هون وااااع دعوني اعيش هنا

مدخل قصر دولما باتشى 

بعد 3 ساعات وقوف في الدور و اخير اخدنا التذاكر

ما كنش يوم من التعب 3 ساعات دور و الله اجرام :(

بس كان القصر بيسوا هالتعب :)

 :( القصر من الخارج ممنوع التصوير في الداخل 

القصر كله على البحر شيئ خُرافي المنظر 

و انا بس بدي اضل هنا ما بدي اروح

القصر من البسفور :) 

جامع السليمانية

صورة في اخر شارع الاستقلال شارع التسوق :D

مسجد مش عارفه شو اسمه بس هو عند سوق البهارات القديم :) كتير حلو

مش عارفه وين هالصورة :S

في النهاية بدي احكي شيء في بالي! معروف ان قصر توب كابي هو قصر السلاطين العثمانين الأوائل بس صار قديم او على رأي اللي بشتغل بالفندق زهقوا منه السلاطين الجداد فبنوا قصر دلما باتشي، كان من الملفة بقصر توب كابي ان كل الزخارف عبارة عن زخاريف اسلاميه و نقوش لزهرة و اظنها التيوليب لانها الزهرة الاكثر شهرة باسطنبول و القصر لم يحتوي ابدا على اي صورة او مجسم للحيوانات او الارواح (اصنام) القصر اسلامي بحت و ما فيه شي يخالف الشريعة الاسلاميه، في حين ان القصر الجديد دلما باتشي دخل في تصميمه زخاريف اوربية و طبعا احتوت على مجسمات و صور لحيوانات و طيور و اللي هو ينافي الشريعة الاسلاميه. تحليلي الشخصي لنهاية الدولة العثمانية و الله اعلم طبعاُ ان السلاطين بعدوا عن الدين فضعفت الدولة و خسروا كل الفتوحات و الانجازات اللي كسبوها، لان الله ينصر من ينصره و الدين هو اساس القوة. طبعا مرة اخرى الله اعلم.

بس بجد بلد تستحق الزيارة

اللهم لك الحمد

اللهم لك الحمد حمدا أبلغ به رضاك

أؤدي به شكرك و أستوجب به المزيد من فضلك

اللهم لك الحمد على حلمك بعد علمك

و لك الحمد على عفوك بعد قدرتك

اللهم لك الحمد كما أنعمت علينا نعما بعد نعم

اللهم لك الحمد بالإسلام. و لك الحمد بالقرآن

و لك الحمد بالأهل و المال و المعافاة

و لك الحمد في السراء و الضراء

و لك الحمد في الشدة و الرخاء

و لك الحمد على كل حال

اللهم لك الحمد كما أنت أهله ووليه

و كما ينبغي لجلال وجهك و عظيم سلطانك

اللهم لك الحمد حمدا لا ينفد أوله و لا ينقطع آخره

اللهم لك الحمد فأنت أهل أن تحمد و تعبد و تشكر

اللهم لك الحمد في اليسر و العسر

اللهم لك الحمد على نعمك التي لا يحصيها غيرك

اللهم لك الحمد حمدا لا ينبغي إلا لك

لا إله إلا أنت أنا السائل الذي أعطيت فلك الحمد

.و أنا الخاطئ الذي عفوت عنه فلك الحمد

..و أنا المريض الذي شفيت فلك الحمد

...و أنا المهموم الذي فرجت فلك الحمد

سبحانك اللهم و بحمدك لا إله إلا أنت

أسألك إجابة الدعاء و الشكر في الشدة و الرخاء

اللهــــــــــــــــــــــــــــــــــم

صلي على محمد و على آل محمد عدد من صلى عليه

و صلي على محمد و على آل محمد عدد من لم يصلي عليه

و صلي على محمد و على آل محمد كما تحب الصلاة عليه

و صلي على محمد و على آل محمد كما أمرت أن يصلي عليه

و صلي على محمد و على آل محمد و على آل بيته الأبرار أجمعين

مش مصدقة

كل يوم الصبح بحب اوصل قبل الدوام عشان اتصفح النت و مواقعي المفضلة و منها جريدة الامارات اليوم، وهي جريدة بتهتم  بالاخبار المحليه اكثر من الدولي و بتحط عن مشاكل البلد و حوادثها يعني الحياة اليوميه هون بالامارات

اليوم و بالاخبار الرئيسية عم اقرأ هالخبر وفاة شخصين غرقاً في الشارقة رح قبلي وجعني على الشب الفلسطيني سبحان الله كل و احد بحن لاهل بلده و كتير تضايقت و خصوصا انه بعمر اخوي و غرق في المنطقة اللي ساكن فيها اخوي, لدرجة اني كنت ناوية احكي اطمن على اخوي بعد ساعة زمن من قراتي للخبر لاني بجد ما ارتحت للخبر مع العلم اني متأكده انه مش اخوي لانه اخوي مش تاع سباحة في البحر و هالقصص بس هيك الموضوع ضايقني

قرأت الخبر و رجت لشغلي و كنت بدي توقيع مديري على ورقة فرحت على مكتبه الا بحكيلي في خبر مش حلو بخصوص طارق

انا : قصدك خليل! صار معه شي! **  لان خليل اخو طارق و هو شب باول العشرينات سافر فجأة الاسبوع الماضي على عمان لان اكتشفوا عنده سرطان بالامعاء و بحالة سيئة - الله يشفيه و يعافيه

مديري : لأ بخصوص طارق

أنا : اه بعرف انه اخو خليل

مديري : طارق الله يرحمه 

أنا : قصدك خليل

مديري : لأ طارق امبارح غرق و هو عم ينقذ ابنه في البحر

 اظن انا تميت 10 دقايق بس واقفه مبلمه في حالة من عدم التصديق و ربط الاحداث مع الخبر اللي قرأته بالجريدة

سبحان الله المرحوم طارق بعمر اخوي بالزبط و ساكن بنفس عمارة مع اخوي

سبحان الله 

{وَمَا تَدْرِي نَفْسٌ مَّاذَا تَكْسِبُ غَدًا وَمَا تَدْرِي نَفْسٌ بِأَيِّ أَرْضٍ تَمُوتُ}

{فَإِذَا جَاءَ أَجَلُهُمْ لاَ يَسْتَأْخِرُونَ سَاعَةً وَلاَ يَسْتَقْدِمُونَ}

الله يصبر اهلهم صدمتين بأسبوع واحد كل وحدة اثقل من التانيه

 الله يشفيه لخليل و عسى بشفاءه يكون سلوي لأهل الفقيد

سبحان الله موت الفجأة شو صعب انا الغريبة و لسه مش قادرة اصدق ما بال اهله كان معهم يلعب و يضحك و بلحظات يمكن ما كملت الساعة صار بلا روح 

يارب رحمتك يارب

و من الحب ما قتل - 2

مش متزكرة اذا كنت كتبت عن جريمتي الاولي بحق سمكاتي لما من الحب الزائد و زود النظافة غسلت حوضهم بالديتول فماتوا بعد  اقل من ساعة من ترجيعهم للحوض :(  تفاصيل حادثة هون و من الحب ما قتل - 1

اما عن الحادث التاني الجديد للأسف هو زريعاتي :( من زمان و انا بحب الزريعة بالبيت و بحب النباتات بصورة عامة بحس انها بتعطي حياة بالبيت، كان عندي شويه زريعة و راح اجاني كما سبع زريعات جداد هدية من الاقارب لانهم بعرفوا حبي إلهم. زريعتي القديمة كنت جبتلها سماد سائل قرأت عليه انه لا يخفف و يحط مباشرة على الزرع، لما خلص من عندي رحت اشتري منه كمان للزريعات الجداد بس للاسف ما كان في مثله بس لقيت سماد سائل من نوع تاني فحكيت لحالي ما هو كله نفس الشي بس اختلاف ماركات و اشتريته و طب على الزرع بدون ما اقرأ عليه، تاني يوم بتفاجئ بالزريعات اللي ميت و اللي مسود زي كأنه محروق، بجد انصدمت من المنظر فرحت بسرعة على علبة السماد و قرأت عليها و المفاجأة طلعت ان هاد السماد الجديد كل 25 مل بتتخفف بلتر ماء 

 هاي نتيجة الحب الزائد و الاهتمام الزائد للزريعة 

^

هذه حاليا بدون و لا ورقة :(

^

حاليا الورق المسود اكثر :(

^

بقايا زريعة بتمنى انها تعيش :(

سوق واقف

عطلة نهاية الاسبوع الماضي كانت مختلفة عن غيرها شوي لانه قضيناها في دوحة قطر، سفرة قصيرة لطيفة غير مخطط لها سابقا على الاقل من طرفي *_* 

 الدوحة مدينة صغيرة بس جميلة و نظيفة و مدينة بتحاول تلاحق التطور و العمران اللي في دبي بطريقة التقليد الملفت ، يعني نفس هندسة المجمعات التجارية و الابراج و نفس الاسماء. في ناس انتقضوا هالشي من قطر بس انا ما حسيته شيء غلط، لانه مش غلط نتطلع على الاحسن منا و نحاول نحسن من حالنا زيه و نتعلم منه بدل ما نضل بس نتفرج و تاركين الدنيا خرابه من حولنا

 على العموم بس تم عندهم شيء مميز و رائع و هو سوق واقف و هو عبارة عن سوق شعبي قديم لسه محافظة على طابعه القديم بس تحول لنقطة سياحية جميله فيها كل الخدمات من مطاعم مختلفة خليجية شاميه لبنانيه عراقية و قهاوي شعبية و غير شعبية و مدينة ملاهي و كرنفالات بالاضافة لسوق الاقمشة و البهارات و الدهب و سوق الطيور (طيور الزينة رهييييييييييييييب) بجد السوق اكثر من رائع بس للاسف ما كنت ماخده الكاميرا و لا شاحن المبوبايل فما كان في غير هدول الصور للسوق القديم :(

يا رب

فضل الذكر و الاستغفار