زئبق

و اخيرا عدنا الى مزاج القراءة
اّّّّّخر رواية قرأتها كانت من سنين يمكن تجاوزت السبع سنين في هاي السنين كان تركيزي على قرأت الكتب الاسلاميه و المواضيع الاجتماعيه البحته

حاولت اكتر من مره ان اقرأ رواية بس يصدف انه الانتقاء يكون سيء فما يكتب للمحاولة النجاح بجوز لانه كانت حالتي النفسيه و الاجتماعيه تأثر بشكل كبير على اختياري للرواية

امبارح كنا في المول و مرينا من جنب المكتبه حسيت برغبه كبيرة في القراءه و فعلا دخلنا و حاولت اكون حياديه في انتقائي للرواية و ساعدتي صاحبتي و كان فعلا اختيار موفق ما رح ممتاز لانه صحيح القصه ممتعة و مشوقه لدرجه اني ما قدرت افلتها لحتى خلصت معي بنفس اليوم بس اكيد لا تنتمي لمجتمعنا العربي

القصه بتحكي عن حياة فتاة اُحتجزت من طرف رجل مسن في جزيرة معزوله عن طريق زرع الوهم لديها عن حالتها غير المحتمله و عن كونه حاميها و وفر لها العزله لكي لا تضطر لمواجهه البشر

من الكلمات اللي عجبتني بالقصه

لماذا يصبح تقديم الخير لشخص ما دون ايذائه شيئا مستحيلا
لماذا من المستحيل ان نحب شخصيا دون تدميره

قهوة بطاسه ×_O

×_O اه والله هاي قهوه مو مهلبيه

يا حرام ما عندهم فناجين

بس الله يسامحهم يحوطوا تعليمات كيف بتنمسك هالطاسه و كيف بنشرب فيها

أكلما اشتهيت اشتريت !؟

وعن جابر بن عبد الله الأنصاري رضي الله عنه قال

اشتريت لحماً وبينما أنا في طريقي إلى البيت لقيني أمير المؤمنين عمر

وسألني ما هذا يا جابر؟

فقلت يا أمير المؤمنين هذا لحم اشتهيته فاشتريته

فقال رضي الله عنه يا جابر أكلما اشتهيت اشتريت !؟ أما تخاف أن يقال لك يوم القيامة أذهبتم طيباتكم في حياتكم الدنيا!؟

اليوم اول مره اسمع هالقصه

جد احنا وين و الصحابه وين

احنا بنلهث وراء الدنيا لناخد كل شي بنشتهيه و اكثر

اما الصحابه فالدنيا كلها كانت بين ايديهم و تركوها سعيا للاخره

الله يهدينا ويجمعنا معهم يارب

المُبكي ... المُضحك

... المُبكي

اليوم شهدت عمارتنا حاله انتحار خادمه من الطابق الثامن عشر - الله يرحمنا و يعفي عنا

و انا كنت راجعه من الشغل شفت الشرطة و الاسعاف معبين المكان و شفت الجثه مغطيه بحرام
طبعا انهز بدني و صابني مغص غريب و كتير قوي لفترة من المنظر

هاي اول مرة بحياتي بشوف هيك منظر بالحقيقه دايما على التلفزيون بس طلع الشوفه لايف غير شكل

الله لا يفرجيها لحدا

... المُضحك
بعد شي ساعة زمن برن تلفوني واحد معي بالشغل
طنشت ما كان جاي عبالي احكي انه شو بدك هلأ ما من ساعه بس كنا بوجوه بعض
ضل يزن لحتى فصل و رجع رن على طول كمان مره حسيته انه مُصَر فرديت حكيت ابصر شو في

ليونس : ألو
زميل العمل : ألو مين بحكي ليونس
ليونس : أيوه ليونس اسم الله عليك مالك
زميل العمل : الحمدلله
: ليونس
زميل العمل : مريت جنب عمارتك و شفت شرطة و ناس متجمعين و لما سألت شو في حكولي في وحدة منتحره خفت تكوني انت

كان يحكي بجد و صوته كتير كان غريب

انصدمت انه معقول ممكن في ناس تتوقع مني اعمل هيك شي

صحيح انه الامور مقفله معي بس برضو الحمدلله لسه في تنتوفت ايمان بالقلب

الله يرحمنا برحمته يارب

بس جد فقعني

هل صحيح ان فاقد الشئ لا يعطيه

هل صحيح ان من لا يشعر بالسعادة لا يستطيع ان يبعث السعادة في قلوب من حوله

و من يفتقد للحنان لا يستطيع ان يعطيه حتى لأعز الناس الى قلبه

اما انها حاله من حالات الانانيه الانسانيه

اما انتقام من الغير و السخط على القدر

اسئله تجول في البال

أخذناهم بغته

فَلَوْلا إِذْ جَاءَهُمْ بَأْسُنَا تَضَرَّعُوا وَلَكِنْ قَسَتْ قُلُوبُهُمْ وَزَيَّنَ لَهُمُ الشَّيْطَانُ مَا كَانُوا يَعْمَلُونَ(43)فَلَمَّا نَسُوا مَا ذُكِّرُوا بِهِ فَتَحْنَا عَلَيْهِمْ أَبْوَابَ كُلِّ شَيْءٍ حَتَّى إِذَا فَرِحُوا بِمَا أُوتُوا أَخَذْنَاهُمْ بَغْتَةً فَإِذَا هُمْ مُبْلِسُونَ(44)فَقُطِعَ دَابِرُ الْقَوْمِ الَّذِينَ ظَلَمُوا وَالْحَمْدُ لِلَّهِ رَبِّ الْعَالَمِينَ(45) - الانعام

هذه الايات كان موضوع حديث الشيخ الشعراوي رحمه الله اليوم الصبح على اذاعه ابوظبي
طبعا الايات بتحكي كيف ان الله يمتع الظالمين و يوسع عليهم في الرزق و القوي لحتى يزيدوا في الطغيان و بعدين يأخدهم بالعذاب بغته و هم غافلون
جد فكره عذاب الفجأه بتخوف

هون لتحميل الدرس كامل
بس للأسف مش كتير الصوت واضح شكله بالاذاعه بفلتروا الصوت و بحسنوه

هلأ اللي لفتني في التفسير شيئان
اول الشي
كيف في هاي الايات الله عز و جل كان يخاطب الظالمين فقال "فَتَحْنَا عَلَيْهِمْ" بينما في حين خاطب الرسول الكريم قال "انا فتحنا لك" انه كيف الفتح ممكن يكون فتح عذاب -رغم انه ظاهريا توسيع رزق - وممكن يكون فتح رحمه
الفرق الوحيد هو"عليهم" و "لك" زي ما بنحكي بالعاميه دعيت عليه و دعيت له

الشئ الثاني
انه ممكن كتير من الابتلاءات اللي بتصيب الانسان فجأه بعد فترة من الرخاء تكون من قله شكر الانسان لله او تقصيره بحق الله
الله يرحمنا برحمته و ما يجعلنا من الغافلين الظالمين لأنفسنا

Thank you for your support 3ala el sobo7 :(